قزاقستان باشکینتی آستانه شهری، جمعی خوفسیزلیک کیلیشووی تشکیلاتی ییغینی چارچوبه‌سیده، روسیه، قزاقستان، بلاروس، قرغیزستان و تاجیکستان رهبرلری ییغینی‌دن میزبان‌لیک قیلگن.
افغانستان بوندن آلدین بو ییغلیش‌‌نینگ کوزه‌تووچی اعضاسی بولگنی بیرحالده؛ بیراق نیچه ییل‌دن بیری بو تشکیلات‌نینگ رهبرلری ییغیلیشی‌‌ده یوق و ایتیلیشچه، بو ییل مذکور ییغیلیش‌ده افغانستان دن خوفسیزلیک بیلن تیگیشلی خواطرلر و اوشبو خواطرلر طفیلی افغانستان بیلن تاجیکستان چیگره‌سی‌نینگ مستحکم‌لش مسئله‌سی، بو ییغیلیش‌ده بحث قیلینه‌دیگن آجندا‌لردن دیر.
شونده‌ی بیرحالده، اسلام امیرلیگی افغانستان دن خوفسیزلیک خواطرلر‌نینگ ناتوغری بولگنی‌گه تاکید‌لب، منطقه مملکت‌لریدن منطقه‌یی مسئله‌لرده افغانستان اورنینینگ نظر گه آلینیشینی ایسته‌گن.
بیزلرنینگ فیسبوک صحیفه‌میزگه باش اورینگ!
بو توغریده اسلام امیرلیگی سوزلاوچیسی ذبیح‌الله مجاهد‌نینگ سلام‌وطندار گه ایتیشیچه: «افغانستان منطقه‌نینگ اونملی مملکت‌لریدن بیری دیر و منطقه‌ده‌گی قضیه‌لر‌ده اورنی بولیشی کیره‌ک. شونینگدیک افغانستان تینچ بیر مملکت دیر و بو مملکت‌ده هیچ کیم گه زیان ییتیشمه‌یدی. بیر قطار مملکت‌لر اینیقسه چیگره‌داش و قوشنی مملکتلرنینگ تشویش‌لری توغری ایمس؛ چونکه بو تشویش‌لر افغانستان ده کوریلمه‌یدی.»
باشقه بیرتاماندن، افغانستان ده هم بیر قطار ایش بیلرمان‌لر‌نینگ ایشانچی گه کوره، افغانستان ده بیلن چیگره مستحکم‌لنیشی اوچون بولگن سعی‌وحرکت‌لر خوفسیزلیک و ترورچیلیک مسئله‌لری حقیده افغانستان گه قرشی بولگن ایشانچ‌سیزلیکلرنی کورسته‌دی.
مذکور بیلرمان‌لر، افغانستان خوفسیزلیک خواطر بو کبی ییغیلیش‌لرده سرپرست حکومت‌‌نینگ حضوری بیلن تیکشیریلیب و اونگه حل یول تاپیلیشی کیره‌ک.
بو توغریده سیاسی مسئله‌لر بیلرمانی عزیز استانکزی‌نینگ ایتیشیچه: «بو کبی ییغیلیش‌لرده افغانستان نینگ فعال شکلده حضوری بولیشی کیره‌ک که افغانستان‌نینگ حقیقتی اولر گه ایتیلسه.»
شونینگدیک بو توغریده سیاسی مسئله‌لر بیلرمان‌لریدن باشقه بیری سیداکبر سیال‌نینگ ایتیشیچه: «افغانستان‌نینگ نماینده‌سی بولگنی صورت‌ده، افغانستان توغریسیده بیان بولگن خواطرلر و تشویش‌لرگه جواب قیترسه که بو خواطرلر حل بولسه.»
شونینگدیک بیلرمان‌لر منطقه مملکت‌لری گه، افغانستان دن خوفسیزلیک خواطرلری‌‌نینگ اساسی شکلده حل بولیشی اوچون افغانستان ده ثابت اهمیت اساسیده یانده‌شوو‌نینگ قولگه آلینیش بویروغی بیرگنلر.
بیزلرنینگ «ایکس» ترماغی ده هم تعقیب قیلینگ!
بو توغریده سیاسی مسئله‌لر بیلرمانی عبدالجبار اکبری‌نینگ ایتیشیچه: «بو ییغیلیش‌لر‌نینگ افغانستان اوچون فایده‌لی بولیشینی کوته‌میز و بو مملکت‌لر افغانستان گه یخشی بیر نقشه قولگه کیلتیره آلسه و شونینگدیک افغانستان ایشلری‌گه اره‌لشه‌دیگن مملکت‌لردن قطاری نینگ افغانستان گه قرشی یانده‌شووی منفی‌دن مثبت گه اوزگرتیریلسه.»
شونینگدیک سیاسی و حربی مسئله‌لر بیلرمان‌لریدن صادیق شینواری‌نینگ ایتیشیچه: «جمعی خوفسیزلیک کیلیشووی تشکیلاتی خوفسیزلیک بولیم‌لریده افغانستان بیلن همکارلیک قیلیشی یانیده، باشقه مملکت‌لر بیلن افغانستان‌نینگ اقتصادی و سیاسی استراتژیک مناسبت‌لری مستحکم‌لنیشی اوچون سعی‌وحرکت قیلیشی کیره‌ک.»
ایتیش کیره‌ک که، جمعی خوفسیزلیک کیلیشووی تشکیلاتی اعضالریدن کوپینچه‌سی اسلام امیرلیگی حاکمیتی آستیده بولگن افغانستان بیلن یخشی مناسبت‌لری بولیب و بو آره‌ده قزاقستان و قرقیزستان اسلام امیرلیگی آتی‌نی اوشبو مملکتلرنینگ تقیق‌لنگن گروه‌لری رویخطی‌دن چیقرگن و شونینگدیک روسیه هم بو کبی بیر قرار‌نینگ عمل‌گه آشیریش گه سعی‌وحرکت قیلماقده.
