اسلام امیرلیگی باش وزیرینینگ اقتصادی اورین باسرلیگی، بعضی سرمایهدارلر گه بیش ییللیک سالیق امتیاز بیریلیشینی بیلدیرگن.
اوشبو اداره، ۲۴-سنبله، دوشنبه کونی ایکس صحیفهسیده بیر بیانیه ترقهتیب بو امتیاز مملکتنینگ تورلی ولایتلریده ساووقخانه قوریش بولیمیده سرمایه یاتقیزگن سرمایهدارلر گه بیریلیشینی یازگن.
بیانیهنینگ بیر قسمیده شوندهی یازیلگن: «قیینچیلیکلرنی آلدینی آلیش مقصدیده، ساووقخانه قوریش بولیمیده سرمایه یاتقیزگن هر شرکت یا که سوداگر گه، بیش ییللیک سالیق امتیازی بیریلهدی.»
اسلام امیرلیگی باش وزیرینینگ اقتصادی اورین باسرلیگی گه کوره، ساووقخانهلر یوقلیگی، قۉشنی مملکتلر تامانیدن ایکینچیلیک محصولاتلرگه موسمی تعرفهلر قوییلیشی و سودا یونهلیشلری توسیلیشی ملی اقتصاد، ایکینچیلیک محصولاتنی مالی قیینچیلیک بیلن روپهره قیلگن.
افغانستانده کتته و ستندرد ساووقخانهلر یوقلیگی، دهقانلر و سوداگرلر، میوه و باشقه ایکینچیلیک محصولاتلرینی ارزان نرخده چیت ایل گه صادر قیلیب و کېین اېسه، عینی شو محصولنی قیمت نرخده وارد قیلیشلری گه سبب بولگن.
