سرپرست حکومت مدافعه وزیرلیگی، پاکستاننینگ هندوستان راکتهلری افغانستان توپراغی گه اوریلگن دیگن سۉنگی ادعاسینی رد اېتدی.
اوشبو وزیرلیک سۉزلاوچیسی عنایتالله خوارزمی، بوگون (۲۰-ثور، شنبه) پاکستاننینگ هندوستان راکتهلری افغانستان توپراغی گه اوریلگن دیگن ادعانی رد اېتگن.
بیزلرنینگ فیسبوک صحیفهمیزگه باش اورینگ!
پاکستان حربی رسمیلری، بوگون ایرتهلب هندوستان تامانیدن پاکستان گه اوریلگن راکتهلردن بیری، افغانستان توپراغی گه توشگنینی ادعا قیلگنلر.
هندوستان تشقی ایشلر وزیری اورین باسری ویکرام مصری هم مطبوعاتی ییغیلیشده، پاکستان ادعاسینی رد قیلیب و اونی «بیکار گپ» دیب اتهگن.
مصری گه کوره، افغانستان خلقی اېندی حقیقی دوست و دشمنلری کیم اېکنلیگینی یخشی بیلهدیلر و مملکتلرینینگ حاکمیتی، نیچه مرته قیسی مملکتلر تامانیدن بوزیلگنیدن خبرلری بار.
بیزلرنینگ «ایکس» ترماغی ده هم تعقیب قیلینگ!
هندوستان و پاکستان اورتهسیدهگی کېسکینلیک، هندوستان کنترولیدهگی کشمیرده سیاحلر اولدیریلگچ کوچهیب و ایکّی تامان بیر-بیریگه قرشی راکته آرقهلی هجوم اویوشتیرماقده اېکن، بوندهی بیانات بیریلماقده.
افغانستان سرپرست حکومتی، هندوستان و پاکستان اورتهسیدهگی توقنشوولر گه مناسبت بیلدیریب ایکّی مملکتدن صبر-طاقتلی بولیشلرینی طلب قیلگن.
