اسلام امیرلیگی تشقی ایشلر وزیرلیگی، هندوستان و پاکستانده یوز بیرگن پارتلشلرنی قارهلهدی.
تشقی ایشلر وزیرلیگینینگ سۉزلاوچیسی عبدالقهار بلخی، بوگون (۲۰-عقرب/۱۱-نومبر، سهشنبه) ایکس صحیفهسیده بیر بیانیه ترقهتیب، اسلام امیرلیگینینگ قربانلر عایلهسی و بو ایکی مملکت دولتلریگه همدردلیک بیلدیردی.
اوتگن کون کیچقرون هندوستان پایتختی ینگی دهلینینگ اېنگ مهم سیاحتی جاذبهلری و تاریخی بناسی «قیزیل قلعه» یقینیده یوز بیرگن پارتلشده، چمهسی ۹ کیشی هلاک بولیب و ۱۹ کیشی یرهلنگن اېدی.
شو بیلن بیرگه، بوگون هم پاکستان پایتختی اسلامآبادنینگ جی ۱۱ حدودلریده محکمهنینگ ایشیگی یقینیده یوز بیرگن پارتلشده ۶ کیشی هلاک بولیب و کمیده ۱۲ کیشی یرهلنگن.
بو هجوملر مسئولیتینی هنوزگچه هېچ کیم یا کی گروه تن آلمهگن.
