اسلام امیرلیگی باش وزیری محمدحسن آخوند، اسرائیلنینگ غزه گه هجوملرینی دوام اېتّیریشنی قارهلب و دنیا همجمعیتدن، بو احوال گه چېک قوییش اوچون تیزلیک بیلن عملی اقدام قیلیشنی سورهگن.
ارگ، بوگون (۹-جوزا، جمعه) بیر بیانیه ترقهتیب غزهده «قیرغین» دوام اېتماقده و احوال خلقارا بوتون قاعدهلر گه قرشی یامانلشیب بارماقدهلیگینی اېتگن.
بیزلرنینگ فیسبوک صحیفهمیزگه باش اورینگ!
بیانیهده، قربانلر سانینینینگ یوقاریلیگی، انسان سیورلیک یاردملرنی کېریتیش گه قوییلگن چېکلاو و باسیب آلینگن حدودلرده شهرچه قوریش کېنگهیشی گه اشاره قیلینیب دنیا همجمعیت و انسان حقلری نهادلری، بو احوال گه نسبتن سکوت سقلب و یېترلی چارهلر کوریلمهگنی قید اېتیلگن.
اسلام امیرلیگی باش وزیری، مملکت یشاوچیلریدن بوگون جمعه نمازیدن کېین، فلسطین خلقی گه همدردلیک بیلدیریش و اولرنی قۉللب-قوتلش مقصدیده، قرآن ختمی اۉتکزیشلرینی اېستهگن.
بیزلرنینگ «ایکس» ترماغی ده هم تعقیب قیلینگ!
میلادی ۲۰۲۳-ییل اکتوبر آییدن بیری، غزهده حماس و اسرائیل اورتهسیده اوروش باشلنگچ، ۵۴ مینگدن آرتیق فلسطین خلقی قربان بولگن و اسرائیل تامانیدن هم مینگدن آرتیق کیشی هلاک بولگن.
باشقه تاماندن، غزه بوتونلی قمرهب آلینیشی بیلن انسانی بحران اۉز نهایهسیگه اېتگن. غزهده دائمی آتیش کېسین برقرار اېتیلیشی اوچون کېتمه-کیت دیپلماتیک سعی-حرکتلر جملهدن مصر، قطر و بیرلشگن ملتلر تشکیلاتینینگ واسطهچیلیگی، حاضرگه قدر نتیجه بیرمهگن.
