اسلام امیرلیگی تشقی ایشلر وزیری امیرخان متقی تاجیکستان ایلچیسی سعدی شریفی بیلن اوچرهشیب، سیاست، چیگره، اقتصادیات و سودا همکارلیکلر مسئلهلری حقیده بحث ایتدی.
تشقی ایشلر وزیرلیگی، بوگون (۲۳ دلو/۱۲ فبروری، پنجشنبه) ایکس صحیفهسیده بیر بیانیه ترقهتیب، اوشبو اوچرهشوده تامانلر اقتصادی قوشمه کمیته قندهی اوتکزیلیشی و اوشبو ییل دوامیده چیگره و امنیتی همکارلیکلرنی مستحکملش مسئلهسی حقیده بحث ایتگنینی بیلدیردی.
بیانیه گه کوره، امیرخان متقی افغانستان و تاجیکستان اورتهسیدهگی مدنیت و تیل جهتیدن یقینلیکلرگه اشاره قیلیب، ایکی دولت موجود امکانیتلردن سیاسی، اقتصادی و سودا همکارلیگینی کینگهیتیریش اوچون فایدهلنیشی کیرهکلیگینی ایتگن.
شونینگدیک، تشقی ایشلر وزیری بو ایکی مملکت اورتهسیدهگی دوستانه مناسبت گه هیچ کیم ضرر ییتکزه آلمسلیگینی قوشیمچه قیلگن. متقی، اسلام امیرلیگی تاجیکستان بیلن مناسبتینی کینگهیتیریش گه صادقلیگینی بیلدیرگن.
شو بیلن بیرگه، کابلده تاجیکستان ایلچیسی سعدی شریفی، بو مملکت اسلام امیرلیگی بیلن اقتصادی همکارلیکنی کینگهیتیریش مقصدیده قوشمه چیگرهده اقتصادی مهم لایحهلرنی عملگه آشیریب و کابل بیلن مناسبتینی مستحکملشگه تأکیدلهگن.
