قطر تشقی ایشلر وزیرلیگی، اسلام امیرلیگی و پاکستان دوحهده اۉتکزیلگن مذاکرهلر جریانیده، تیزلیک بیلن آتیش کېسین برقرار ایتیلیشی گه کیلیشگنلرینی بیلدیردی.
اوشبو وزیرلیک، ۲۷-میزان، یکشنبه کونی بیر بیانیه ترقهتیب، افغانستان وپاکستان آتیش کېسین برقرار ایتیلیشی اوچون کیلیشوودن تشقری، ایکی مملکت اورتهسیده برقرار تینچلیک و برقرارلیکنی مستحکملش میکانیزملرینی یرهتیش بارهسیده هم اۉز ارا توشونیشگه ایریشگن دیب یازگن.
بیانیهده ایتیلیشیچه، یقین کونلرده ایکی مملکت هیئتلری اورتهسیده کوزهتوو اوچرهشوولری اۉتکزیلهدی، اونده آتیش کېسین جریانی عملگه آشیریلیشی و اونینگ برقرارلیگینی تأمینلش مسئلهلری کوریب چیقیلهدی.
قطر تشقی ایشلر وزیرلیگی اوشبو کیلیشوونی آلقیشلب، بو مهم قدم ایکی مملکت اورتهسیدهگی چېگره کېسکینلیکلرینی کمهیتیریش و منطقهده برقرار تینچلیک اورنهتیشگه یاردم بیرهدی دیگن امیدینی بیلدیرگن.
بو مذاکرهلر قطر و تورکیه واسطهچیلیگیده دوحهده بولیب اوتگن. اونده اسلام امیرلیگی مدافعه وزیری محمد یعقوب مجاهد باشچیلیگیده یوقاری درجهدهگی هیئتی و پاکستان تامانیدن اېسه اوشبو مملکت مدافعه وزیری خواجهمحمد آصف اشتراک اېتگن.
