اسلام امیرلیگی باش وزیرینینگ اقتصادی اورین باسرلیگی گه کوره، ایچکی منبعلردن برق ایشلب چیقریش اسلام امیرلیگینینگ بیرینچی ایشلریدن دیر و بوتوغریده ایچکی و تشقی سرمایه یاتقیزووچیلرنی جذب قیلیش اوچون کوپینچه سعی-حرکتلر بولگن.
اوشبو اورین باسرلیک، بوگون (۱۵-ثور، دوشنبه) ایکس صحیفهسیده بیر بیانیه ترقهتیب، ایچکی منبعلردن ۲۶۱ میگاوات برق ایشلب چیقریش اوچون، تورلی لایحهلرده ۲۳ میلیارد ییتّی میلیوندن آرتیق افغانی سرمایه یاتقیزیلگنینی اېتگن.
بیزلرنینگ فیسبوک صحیفهمیزگه باش اورینگ!
حاضر کابل سروبی تومنیده ۲۲.۷ میگاوات، بلخ دهدادی تومنیده ۴۰ میگاوات، هراتده بیش میگاوات، لغمانده ۱۰ میگاوات قویاش برقی ایشلب چیقریش و هراتده ۴۳.۲ میگاوات شمالدن برق ایشلب چیقریش ایشلری عملگه آشیریلماقده.
مذکور اداره گه کوره، اوشبو لایحهلر ایشی توگهشی بیلن بعضی ولایتلر همده صناعتی پارکلرده برق یېتیشمسلیک قیینچیلیگی حل بولیشی ممکن.
بیزلرنینگ «ایکس» ترماغی ده هم تعقیب قیلینگ!
گرچه افغانستان برق ایشلب چیقریش اوچون بای امکانیت گه ایگه بولسهده؛ بیراق بوتوغریده سرمایه یاتقیزیلمهگن. حاضرگی کونده مملکتنینگ احتیاجی بولگن قریب ۷۰ فایز برقی، قۉشنی مملکتلر تامانیدن تأمینلنماقده.
