سلام‌وطندار نینگ ۲۲ ایشچی قیز بیلن اوتکزگن صحبتی اساسیده، اوشبو قیزلر اقتصادی قیینچیلیک و عایله ده سرپرست یوق‌لیگی باعث، کابل شهری سرک‌لریده شاقه ایشلر گه یوز کیلتیریش گه مجبور بولگنلر. مذکور قیزلر نینگ ایتیشلریچه، سرپرست حکومت کوچلری تامانیدن بایومتریک بولیشگن؛ بیراق اولر گه حاضرگچه یاردم کورسه تیلمه‌گن.
اوشبو قیزلر، سرپرست حکومت کوچلری سرک‌لرده اولر نینگ ایشلری گه توسقین‌لیک قیلگن بیرحالده، یاردم کورسه تیلمه‌گنیدن شکایت قیله‌دیلر.
سلام‌وطندار بیلن صحبت اوتکزگن اوشبو ایشچی قیزلر نینگ کوپراغی ۱۵ و ۱۶ یاشر دیر.
مذکور قیزلر نینگ ایتیشلریچه، مملکت ده توزوم اوزگریشیدن کیین، اجتماعی و اقتصادی قیینچیلیک باعث کابل سرک‌لریده شاقه ایش قیلیش گه مجبور بولیشگن.
سلام‌وطندار بیلن صحبت اوتکزگن کابل یشاوچیسی ۱۰ یاشر کوثر، سرک‌لرده «سقیچ» ساتماقده ایتیشیچه، ایکی ییل دن بیری اقتصادی قیینچیلیک طفیلی عایله‌سیگه یاردم بیریش اوچون آته و ایناغه‌سی یانیده سرک‌لر ده شاقه ایش قیلیش گه یوز کیلتیرگن.
او نینگ کوپه‌یتیریشیچه: «اسلام امیرلیگی حاکمیتیدن بیری ایش‌سیزلر کوپه‌یگن، اولر نینگ حاکمیتیدن بویان سرک‌لرده سقیچ ساته‌من. او زمان ۱۵۰ و ۲۰۰ ایشلر ایدیم حاضر ۷۰ و ۸۰ روپیه ایشله‌ی من. عایله ده ییتتی کیشی‌میز و آته‌م یشاوچیلر نینگ توفلیک‌لرینی (بوت) بویه‌یدی.»
کابل شهری هوتل پروان ده «پوفک» ساتیش بیلن مصروف توقیز یاشر کاینات گه کوره، عایله‌سی اقتصادی قیینچیلیک بیلن روپه‌ره دیر او ناگران آته‌سی یانیده سرک‌لر ده پوفک ساتیش گه مجبور بولگن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «اقتصادی قیینچیلیک باعث پوفک ساته‌من. هر کونی ۲۰۰ و ۳۰۰ ایشله‌ی من. آته‌م هم ایشله‌یدی و قول دن ناگران دیر. اوی گه بیران نرسه آلیب باریش اوچون حاضرگچه هیچ نرسه ییگن یوق من.»
مذکور باله‌لر نینگ ایتیشلریچه، سرک‌لرده ایشلش پیتیده سرپرست حکومت کوچلری تامانیدن قولگه آلینیب و بایومترک بولگنلر.
اولر گه کوره، بایومتریک بولیش چاغیده حکومت کوچلری اولر گه ینه سرک‌لرده باریب ایشله‌مسلیک‌لریدن آگاه‌لنتیریشگن.
اوشبو قیزلر، بایومتریک بولیش دن کین اولر گه یاردم بیریلیب و سرک‌لرده ایشله‌مسلیک نی امید قیلر ایدیلر؛ لیکن حاضر گه قدر اولر گه یاردم کورسه‌تیلمه‌گنینی معلوم قیله‌دیلر.
مذکور ایشچی قیزلر نینگ کوپه‌یتیریشیچه، سرپرست حکومت کوچلری دن یاشیرینچ ایشله‌یدیلر و اوشبو کوچلر اولرنی ایشلش گه رخصت بیرمه‌یدی، اولر قولگه آلینگن تقدیرده زندانی بولیشه‌دی.
کابل شهری ده افغانان سرک‌لریده سقیچ ساتیش بیلن مصروف ۱۳ یاشر حمیده نینگ ایتیشیچه، آته‌سی ناگران و آنه‌سی ایسه بیل‌آغریق دیر، شونی اوچون ایشلش گه مجبور، لیکن سرپرست حکومت کوچلری او نینگ ایشی گه توسقین‌لیک قیله‌دیلر.
حمیده گه کوره، ایکی مرته حکومت کوچلری تامانیدن زندانی و بیر مرته بایومتریک بولگن.
او نینگ کوپه‌یتیریشیچه: «بیزنی طالبلر ییغه‌دی. باشقه ایشله‌منگلر دیدی، سرک‌لرده ایشلش گه قویمه‌یدیلر، بیرینچی مرته بایومتریک قیلیشه‌دی کیین ایسه زندانی. ایکی مرته زندانی بولدیم.»
کابل شهری برکی منطقه‌سیده سقیچ ساتیش بیلن مصروف ۱۱ یاشر خدیجه گه کوره، تورتینچی صنف گچه درس اوقیگن، بیراق ایکی ییل آلدین توزوم اوزگریشی و آته‌سینی قول دن بیریش بیلن سرک‌لرده ایشلش گه مجبور بولگن. او حکومت دن عایله اعضالری گه یاردم بیریش اوچون ایشلش‌لری گه مانع بولمسلیکنی طلب قیله‌دی.
اونگه کوره: «حاضر ایشله‌گن یوق من طالبلر ایشلش گه قویمه‌یدی بیزنی زندانی قیلیشه‌دی، بیر مرته بایومتریک بولدیک و ینه زندانی قیلیش‌لری ممکن، یاردم بیریش نی وعده قیلگن ایدیلر لیکن حاضرگچه یاردم بیریشگن یوق.»
عیال حقوقی فعاللری، اقتصادی قیینچیلیک نی کمبغل‌لیک و ایش‌سیزلیک یگانه عامللریدن عنوان قیلیب ایتیشلریچه، عایله‌لر نینگ اقتصادی قیینچیلیگی باعث باله‌لر سرک‌لرده ایشلش گه مجبور بولگنلر.
شونینگدیک، اولر حکومت نی کمبغل عایله‌لردن حمایت ایتیش اوچون ریجه‌سیزلیککه عیبلب ایتیشلریچه، حکومت عیاللر گه ایشلش رخصتینی بیرمر ایکن، کمبغل و سرپرست‌سیز عایله‌لرنی قوللب_قوتلشی لازم.
عیال حقوقی فعالی کریمه رحیم‌یار نینگ ایتیشیچه: «عایله‌لر نینگ اقتصادی قیینچیلیگی و عیاللر گه ایشلش رخصتی بیریلمسلیگی باعث، کیچیک باله‌لر سرک‌لرده ایشلش گه مجبور بولگنلر. حکومت نینگ کمبغل عایله‌لرنی قوللب_قوتلش اوچون هیچ قنده‌ی ریجه‌سی یوق دیر.»
بیزلرنینگ توییترده هم تعقیب قیلینگ!
عیال حقوقی فعاللریدن باشقه بیری حمیرا فرهنگ‌یار گه کوره: «عایله‌لر اقتصادی قیینچیلیک بیلن دوچ بولسه‌لر، ایکی یوللری بار بیری سرک‌لر گه چیقیب تیلنچی‌لیک قیلیش گه مجبور یا که ناچیز بولگن امکانیت‌لردن فایده‌لنیش‌لری ممکن. مکتب دن محروم بولگن قیزلر حاضرگی کونده قول ساتووچیلیککه یوز کیلتیریشگن و اولر نینگ قولی ده یالغیز قلم، ماسک یا که توش پیپر دیر.»
اوشبو گزارش ده ایشچی باله‌لر سانی کوپه‌یشی یا که کمه‌یشینی معلوم قیلیش اوچون تلاش قیلدیک، لیکن حکومت و غیر حکومت اداره‌لری بوتوغریده ایضاح کیریتمه‌دیلر.
قیزیل آی جمعیتی نینگ نشرات باشلیغی و سوزلاوچیسی عرفان‌الله شرف‌زوی نینگ سلام‌وطندار گه ایتیشیچه، مملکت بویلب ایشچی قیزلر نینگ رقمی حقیده معلومات‌لری یوق، بیراق کمبغل و سرپرست‌سیز عایله‌لر گه نقدی و باشقه نرسه یاردم بیریش نی نظر گه آلگنلر، بیر آی ده سرپرست‌سیز عیاللر گه ۲۰۴ میلیون افغانی یاردم بیریشگن.
او نینگ ایتیشیچه: «سرپرست‌سیز عیاللر گه ۲۰۴ میلیون افغانی یاردم بیریلگن و کوپ سانده ولایت‌لرده بو یاردم‌لر یکونلنگن، قالگن نیچه ولایت ده‌گی عیاللر گه یاردم بیریله‌دی. سرک‌لرده تیلنچی‌لیک و قول ساتووچیلیک قیلیب کیله‌یاتگن‌لر گه قیزیل آی جمعیتی تامانیدن هر آی یاردم کورسه تیله‌دی.»
باشقه تاماندن ایش و اجتماعی ایشلر وزیرلیگی سوزلاوچیسی سمیع‌الله ابراهیمی نینگ ایتیشیچه، اوشبو وزیرلیک ده ایشچی باله‌لر اینیقسه قیزلر نینگ انیق رقمی ثبت ایتمس، بیراق ایشچی باله‌لر سانی کوپ‌لیگینی تصدیقله‌یدی.
او نینگ کوپه‌یتیریشیچه، قیزیل آی جمعیتی تامانیدن مذکور باله‌لر گه یاردم بیریله‌دی و ایش و اجتماعی ایشلر وزیرلیگی اولر نی قوللب_قوتلش نی نظرگه آلگن.
اونگه کوره: «ایشچی باله‌لر، عایله اعضالری بیلن همکارلیک قیلیش اوچون ایش و اجتماعی ایشلر وزیرلیگی اولر گه حرفه و فن برنامه‌لرنی یولگه قویه‌دی. اولر گه قیزیل آی جمعیتی تامانیدن یاردم بیریله‌دی. ایش و اجتماعی ایشلر وزیرلیگی ایشلش توانی بولگن عیاللر و عایله‌لر گه ایش فرصت‌لرینی یره ته‌دی.»
سرپرست حکومت حاکمیتیدن کیین قیزلر یوزی گه مکتب‌لر و بیلیم یورت‌لر ایشیگی یاپیلیب و یشاوچیلر اقتصادی قیینچیلیک بیلن دوچ بولگن بیرحالده، اولکه بویلب ایشچی قیزلر سانی کوپه‌یگن.
