پاکستان تشقی ایشلر وزیری اسحاق دار، اسلامآباد ده ایران و امریکا هیئتی آرهسیده مذاکرهلر یکونیدن سونگ، بو ایکی مملکت اورتهسیده همکارلیک و مذاکرهلرنی آسانلشتیریش اوچون واسطهچیلیک قیلیشگه دوام بیریشینی بیلدیردی.
ایران فارس آژانسی، بوگون (۲۳ حمل/۱۲ اپریل، یکشنبه) ایتیشیچه، اسلامآباد کیلهسی کونلرده ایران و امریکا آرهسیده مذاکرهلر گه زمینه یرهتیش اوچون سعی-حرکت قیلهدی. بیانیه گه کوره، اسحاقدار شونینگدیک تامانلردن آتیش کیسین گه دوام بیریشلرینی سورهگن.
عینحالده، پاکستان پایتختی اسلامآباد ده ایران و امریکا آرهسیده مذاکرهلر نتیجهسیز یکونلندی و مذاکرهلر دوام ایتتیریلیشی اوچون سعی-حرکت قیلینماقده.
ییتکرمهلرنینگ معلوماتیگه کوره، امریکا جمهور باشلیغی دونالد ترامپ اورین باسری جیدی ونس، ایران بیلن مذاکرهلرده امریکا هیئتی ییتکچیسی ایدی، بوگون بامداد پیتی مذاکرهلر یکونیدن کیین، اسلامآبادنی واشنگتن مقصدیگه ترک ایتگن.
ونس، اسلامآبادنی ترک ایتمسدن آلدین مطبوعاتی ییغیلیشده، بو مذاکرهلر نتیجه بیرمهگنینی بیلدیردی.
