«عراق اسلامی مقاومتی» گروهی، اوتگن ۲۴ ساعت ایچیده عراق و اطراف حدودلرده امریکا کوچلریگه قرشی ۳۱ ته هجوم اویوشتیرگنینی بیلدیردی.
الجزیره، بوگون (۲۰ حوت/۱۱ مارچ، چهارشنبه) ترقهتگن گزارشیده، بو گروه ایران بیلن یقین علاقهده ایکنلیگینی معلوم قیلگن.
عراق اسلامی مقاومتی، سونگی ۱۲ کون دوامیده امریکا حربی کوچلریگه قرشی جمعی ۲۹۱ هجوم اویوشتیرگنینی قوشیمچه قیلگن.
امریکا عملدارلری بوتوغریده هنوزگچه فکر-ملاحظه بیلدیرمهگن.
ایران گه امریکا و اسرائیلنینگ قوشمه هجوملریدن سونگ، منطقهدهگی بیرقطار قوراللی گروهلر جملهدن حزبالله لبنان، یقین شرقده امریکا کوچلرینینگ پایگاهلری و اسرائیل توپراغیگه هجوم قیلگن.
شو بیلن بیرگه، پنتاگون ایراننینگ کویت و سعودی عربستان گه اویوشتیرگن هجوملری عاقبتیده ۷ امریکا عسکری اولگنینی اعلان قیلگن.
پنتاگون گه کوره، سونگی ۱۰ کون دوامیده ایران هجوملریده قریب ۱۴۰ امریکا حربی عسکری یرهلنگن.
