سرپرست حکومت صناعت و سودا وزیرلیگی، ایران خصوصی بولیمی افغانستانده سرمایه یاتقیزیش گه قیزیقماقدهلیگینی معلوم قیلگن.
اوشبو وزیرلیک ۷-دلو، یکشنبه کونی ایکس صحیفهسیده بیر بیانیه ترقهتیب، صناعت و سودا وزیرلیگی سرپرستی نورالدین عزیزی اوتگن کون ایران تشقی ایشلر وزیری سیدعباس عراقچی باشچیلیگیده کابل گه کېلگن هیئتنینگ خصوصی بولیمی وکیللری بیلن اوچرهشگنیدن خبر بیرگن.
بیزلرنینگ فیسبوک صحیفهمیزگه باش اورینگ!
بو اوچرهشووده، ایران خصوصی بولیمی وکیللری افغانستانده کان، ایکینچیلیک و صناعت بولیملریده سرمایه یاتقیزیش گه علاقه کورسهتیش یانیده، افغانستان یشاوچیلرینی کانلرنی قازیب چیقریش و ایکینچیلیک همده باشقه بیرقطار ایشلب چیقریشلرنی زمانهویلشتیریش، تخنیکی و انجنیرلیک بولیملرینی اورگهتیش و افغانستاندن کان و ایکینچیلیک مادهلرنی وارد قیلیش گه تیارگرلیکلرینی بیلدیرگنلر.
شونینگدیک، بو اوچرهشووده ایکّی مملکت اورتهسیده سودا آلیش-بیریش مقداری آشیریلیشی، چابهار بندریدن انتقال بیریش، افغانستان گه صفتسیز توارلر اونگی آلینیشی، چېگره بازارچهلری و قیینچیلیکلری، ایران گه صادرات رقمی آشیریلیشی، ایراننینگ احتیاجی بولگن توارلر رویخط گه آلینیشی، ترانسپورت و ترانزیت مصرفی کمهیتیریلیشی و افغانستانده ایراننینگ سرمایه یاتقیزیش مسئلهلری بحث گه آلینگن.
بیزلرنینگ «ایکس» ترماغی ده هم تعقیب قیلینگ!
ایران خصوصی بولیمی وکیللری هیئتی ۱۴۰۳-ییل، ۷-دلو، اوشبو مملکت تشقی ایشلر وزیری سیدعباس عراقچی باشچیلیگیده کابل گه کېلدی.
