ایران ساغلیقنی سقلش وزیری محمدرضا ظفرقندینینگ ایتیشیچه، اوتگن بیر هفته جریانیده اسرائیل آرقهلی اویوشتیریلگن هجوملر جریانیده، طبی خادملریدن ایکی تهسی اولیب و باشقه ۱۴ کیشی یرهلنگن.
فارس آژانسینینگ گزارشی اساسیده، ظفرقندی بوگون (۳۱-جوزا، شنبه)، حاضرگچه فرزندلری بیلن بالهلر متخصصیدن بیر تهسی و عیاللر متخصصیدن بیر تهسی شامل ایران سلاغلیق ملی گروهی اعضالریدن ایکی تهسینینگ اسرائیل هجوملری نتیجهسیده اولگنینی، بیان قیلگن.
بیزلرنینگ «ایکس» ترماغی ده هم تعقیب قیلینگ!
ایران ساغلیقنی سقلش وزیریگه کوره، اوتگن بیر هفته جریانیده کمیده ۱۴ طبی خادمی، بو مملکتنینگ دوالنیش مرکزلریگه اویوشتیریلگن هجوملرده یرهلنگنلر.
ظفرقندی، اوشبو هجوملرگه قرشی عکسالعمل بیلدیریب و ایتیشیچه: «بیر رژیم بیلن روپهره بولگنمیز که، چیگره، قانون و انسانی اصولنی رعایت قیلمهیدی. تورلی مملکتلردهگی بشر حقوقینی دعوا قیلهدیگنلر جملهدن امریکا بو جنایتلرنی کورهدی؛ بیراق هیچ اعتراض قیلمهیدی.»
بیزلرنینگ فیسبوک صحیفهمیزگه باش اورینگ!
اسرائیل ۲۳-جوزا، جمعه، ایران توپراغیگه هوا هجوملرینی باشلهگن و مذکور هجوملرنینگ حاضرگچه دوامی بار.
شوندهی بیرحالده، ایران ساغلیقنی سقلش رسمیلری قربانیلر توغریسیدهگی آخرگی و رسمی معلوماتلرنی منظم شکلده اعلام قیلمهگنلر.