ایران یېتکرمه‌لری، اوشبو مملکت جمهورلیک ریاستی سیلاوی اوشبو ییل سکیز سرطان ده اۉتکزیلیشینی اعلام قیلگنلر.
ایرنا آژانسی گه کوره، ۳۱-ثور، دوشنبه کونی قوا باشلیغ‌لری، ایران جمهور باشلیغی سیدابراهیم رئیسی تیک‌اوچر قولشی عاقبتیده هلاک بولگچ، اوشبو مملکت جمهورلیک ریاستی سیلاوی بو تاریخ ده اۉتکزیلیش گه قرار قیلگنلر.
بیزلرنینگ فیسبوک صحیفه‌میزگه باش اورینگ!
ایرنا گه کوره، جمهورلیک ریاستی سیلاوی نامزدلری نینگ رویخط گه آلیش جریان ۱۰ دن ۱۴ جوزا گه قدر بولیب اۉته‌دی.
ایران نینگ مذهبی رهبری سیدعلی حسینی خامنه‌ای، اۉتگن کون مقننه و قضاییه قوا گه بو مملکت جمهورلیک ریاستی سیلاوینی ۵۰ کون گه قدر اۉتکزیش بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
ایران جمهور باشلیغی ابراهیم رئیسی، تشقی ایشلر وزیری حسین امیر عبداللهیان و باشقه بیر قطار کیشی‌لر بولگن تیک‌اوچر، ۳۰-ثور، یک‌شنبه کونی بو مملکت نینگ آذربایجان شرقی ولایتیده «دیزمار اورمانی» ده قوله‌گن.
رئیسی یک‌شنبه کونی ایران بیرقطار عملدارلری بیلن شرقی آذربایجان گه بارگن اېدی و آذربایجان جمهور باشیلغی الهام علی‌اوف بیلن بیرگه، ارس چېگره دینگیزی ده بو ایکّی مملکت یاردمی بیلن قوریلگن «قیز قلعه توغانینی» افتتاح قیلگنلر. بو واقعه رئیسی بولگن تیک‌اوچر ایران تبریز تامان یوللنگن بیرحالده یوز بیرگن.
