خلقارا ییتکرمهلرنینگ گزارش بیریشیچه، ایران آرقهلی اسرائیلگه اویوشتیریلگن راکته هجوملر نتیجهسیده، حاضرگچه قریب اوچ کیشی اولیب و اونلب کیشی یرهلنگن.
آنادولو آژانسینینگ گزارشی اساسیده، جمعه کیچه باشلنیب و بوگون (۲۴-جوزا، شنبه)، ایرتنگ چاغیگچه دوام قیلگن اوشبو هجوملر نتیجهسیده، کمیده ۹۱ کیشی یرهلنگن.
بیزلرنینگ فیسبوک صحیفهمیزگه باش اورینگ!
شونینگدیک اسرائیلنینگ ۱۲ کانالی، ایران تامانیدن اویوشتیریلگن سونگی هجوملرده ۲۱ کیشی یرهلنگنی و اولردن اوچ تهسینینگ احوالی آغیر بولگنیدن خبر بیرگن.
مذکور ترماقنینگ ایتیشیچه، ایران هجوملری طفیلی یشش اویلرگه ییتیشگن زیانلر اوچون تلآویو ده قریب ۳۰۰ اسرائیللیک اویلرنی ترک قیلگنلر.
بیزلرنینگ «ایکس» ترماغی ده هم تعقیب قیلینگ!
اوشبو هجوملر، اسرائیل ۲۳-جوزا، جمعه کونی ایرتهلب ایراننینگ بیر نیچه حدودینی نشانگه آلگنیدن کیین عملگه آشیریلگن. بو هجوم گه جواب اولهراق، ایران جمعه کیچه اسرائیلگه قرشی راکته هجوملرینی باشلهگن.
کیسکینلیکلرنینگ دوام قیلیشی بیلن بیرگه، منطقهده بحران کوچهیشی توغریسیده خواطرلر هم کوپهیگن.
