ایران ییتکرمهلرینینگ گزارش بیریشیچه، اوشبو مملکت تورکیه تامان راکته آتمهگن.
فارس آژانسی ایران قواللی کوچلری باش ستادیدن نقل قیلیب، بوگون (۱۴-حوت، پنجشنبه)، اکس صحیفهسیده یازیشیچه، بو مملکت قوراللی کوچلری «قوشنی و دوست مملکت بولگن تورکیه حاکمیتیگه حرمت قایل بولیب و بو مملکت تامان هر قندهی راکته آتیلگنینی رد قیلهدی.»
اوتگن کون تورکیه مدافعه وزیرلیگی، ایران تامانیدن آتیلیب و تورکیه حدودیگه قرهب کیلهیاتگن بالستیک بیر راکتهنینگ مدیترانه شرقیده، ناتو هوا مدافعه تیزیملری آرقهلی یوق قیلینگنینی معلوم قیلگن.
اوشبو وزیرلیکنینگ ایتیشیچه، تورکیه بو مملکت گه قرشی هر قندهی زورهوانلیک حرکتگه جواب بیریش حقوقینی سقلهب قالهدی.
تورکیه مدافعه وزیرلیگینینگ کوپهیتیریشیچه، انقره، ناتو و باشقه شریکلری بیلن علاقهده بولیب و برچه تامانلرگه توقنشوولر کوچهیشیگه سبب بولهدیگن هر قندهی اقداملردن واز کیچیشلری توغریسیده آگاهلنتیرگن.
