ایران رسمیلری، امریکا بیلن مذاکرهلرنینگ اینگ ینگی دورینی «یخشی باشلنغیچ» دیب و شونینگدیک امریکا جمهور باشلیغی دونالد ترامپ هم، بو جریاننینگ «جوده یخشی» شکلده بولیب اوتگنینی بیان قیلگن.
ایران تشقی ایشلر وزیری سیدعباس عراقچینینگ ایتیشیچه، «پایتخت بیلن مصلحت بولیشدن» سونگ، مذاکرهلرنینگ کیینگی دورهلری حقیده قرار آلینیشی ممکن. عراقچی، تهراننینگ یالغیز هستهای مسئلهلر حقیده مذاکره قیلیشیگه تاکیدلب، امریکا آرقهلی حربی تهدیدلرنینگ یکونلنیشینی ایستهگن.
شونینگدیک دونالد ترامپ، امریکا هیئتینینگ ایران بیلن «جوده یخشی مذاکرهلری» بولگنینی بیان قیلیب و کوپهیتیریشیچه، کیلهسی هفته باشی اوچون کوپینچه مذاکرهلر اوتکزیلیشی ریجهلشتیریلگن.
شوندهی بیرحالده، ترامپ اوز تهدیدلریگه دوام بیریب، ایران هستهای برنامهسی توغریسیده بیر کیلیشیشگه ییتیشمهگنی صورتده، «عاقبتلر جوده آغیر بولهدی» دیب آگاهلنتیرگن.
عمان تشقی ایشلر وزیری بدر بن حمد البوسعیدی، نیچه مرته اَیری شکلده ایران و امریکا تامانلری بیلن اوچرهشیب و ایکی تامان هیئتی آرهسیده پیاملرنی انتقال بیرگن.
سونگی هفتهلر ایران و امریکا آرهسیده کیسکینلیکلر کوپهیگنی بیرحالده، ایکی مملکت اوتگن کون (۱۷-دلو/ ۶-فبروری، جمعه)، عمان ده نامستقیم مذاکرهلرینی اوتکزگنلر.
