ایران و سعودی عربستان تشقی ایشلر وزیرلری، افغانستان و پاکستان اورتهسیده سۉنگی کونلردهگی اوزگریشلردن خواطر بیلدیریب و «احتیاطکارلیک» بیلن حرکت قیلیشلرینی اېستهگنلر.
ایران تشقی ایشلر وزیرلیگی سۉزلاوچیسی اسماعیل بقائی، ۲۰-میزان، یکشنبه کونی بیر بیانیه ترقهتیب کابل و اسلامآباد دن، اورتهلریدهگی کېسکینلیکلرنی دیپلماتیک یول بیلن حل قیلیشلرینی سورهگن.
بقائی، ایکی مملکتنینگ حدودی یختلیگیگه حرمت قیلینیشی گه تأکیدلب، ایران کابل و اسلامآباد اورتهسیدهگی کېسکینلیکنی مذاکره آرقهلی حل قیلیش گه تیارلیگینی بیلدیرگن.
شو بیلن بیرگه، سعودی عربستان تشقی ایشلر وزیرلیگی هم ایکس صحیفهسیده، افغانستان و پاکستاننینگ ترقیاتی اوچون تینچلیکنی مستحکملش همده شرایط یرهتیشگه قرهتیلگن منطقهوی و خلقارا سعی-حرکتلرنی قۉللب-قوتلشینی بیلدیرگن.
اوشبو وزیرلیک بیانیهسی بیر قسمیده شوندهی کیلگن: «سعودی عربستان پادشاهلیگی هر ایکی تاماننی مذاکره و عقل-ادراک یولینی تنلش گه چقیرهدی، شونده کېسکینلیک کمهیب منطقهنینگ خوفسیزلیگی و برقرارلیگیگه حصه قوشیلهدی.»
افغانستان چېگره قوریقچیلری اوتگن کیچه پاکستان حربی کوچلری گه قرشی هجوم اویوشتیردی؛ اسلام امیرلیگی مدافعه وزیرلیگی بو هجومنی پاکستان تامانیدن افغانستان حریمینینگ بوزیلیشی گه جواب دیب اتهگن.
