قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۳ مینگ ۶۹۳ افغانستانلیک چیقریلگن.
اسلام امیرلیگی سوزلاوچیسی اورینباسری حمدالله فطرت، بوگون (۲۱-جوزا، پنجشنبه)، اکس صحیفهسیده یازیشیچه، اوشبو کیشیلر اوتگن کون افغانستان گه قیتگنلر.
جناب فطرتنینگ کوپهیتیریشیچه، ۷۲۴ عایلهدن عبارت بولگن بو کیشیلر، قندهار ده اسپینبولدک، ننگرهار ده تورخم، هرات ده اسلامقلعه و نیمروز ده پلابریشم چیگره قتناو یوللری آرقهلی افغانستان گه کیلگنلر.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن قیتگن قاچقینلرگه یاردم بیریلگنینی بیان قیلگن.
بوندن آلدین بیرلشگن ملتلر تشکیلاتی، جاری میلادی ییل یکونیگچه ایکی میلیون ۷۰۰ مینگ کیشینینگ افغانستان گه قیتیشی ممکن دیب معلوم قیلگن ایدی.
