کابل ده تورکیه ایلچیخانهسینینگ اعلام قیلیشیچه، بو مملکت چهارشنبه و پنجشنبه «افغانستان هماهنگلیک» گروهی ییغیلیشیگه میزبانلیک قیلهدی. بو ییغیلیشدن مقصد افغانستان اوچون خلقارا همجمعیت برنامهلری و اولویتلرینینگ کوریب چیقیش دیر.
اسلام امیرلیگی اقتصاد وزیرلیگی، ینه بیر مرته مملکتلر و خلقارا تشکیلاتلردن افغانستان اهالیسیگه یاردملری دوام قیلیشینی ایستهگن.
بیزلرنینگ فیسبوک صحیفهمیزگه باش اورینگ!
اوشبو وزیرلیک سوزلاوچیسی عبدالرحمان حبیب، مذکور ییغیلیشنینگ اوتکزیلیشیگه اشاره قیلیب و ایتیشیچه، مملکتلر و خلقارا تشکیلاتلر اقتصادی اولویتلر و افغانستان اهالیسینینگ نیازمندلیکلرینی نظرگه آلیش بیلن یاردملریگه دوام بیرهدیلر. «بو ییغیلیشده قیینچیلیکلر حلی، اولویتلر و برنامهلرنینگ اهالی نیازمندلیکلری حقیقتی اساسیده و شونینگدیک اقتصادی اولویتلر نظرگه آلینیشی بیلن درست شکلده صورت تاپیشینی ایستهیمیز.»
امریکا ینگیلیکده افغانستان ده بیرلشگن ملتلر تشکیلاتینینگ خلقارا آزیق-آوقت دستوریگه یاردملرینی کیسگنی بیرحالده، بو ییغیلیش اوتکزیلهدی. شونینگدیک امریکانینگ نمایندهلر مجلسینینگ تشقی علاقهلر کمیتهسی، افغانستاننینگ حاضرگی رسمیلریگه مالیهلر ییتیشیشی آلدی آلینیشی لایحهسینی تصویب قیلیب و اونی بو مملکت نمایندهلری مجلسیگه یوبارگن.
امریکا افغانستان گه اینگ بویوک مالی یاردم بیرووچی بولیب و حاضر یاردملریدن بیر بولیمینی توختهتیش یا-ده کیسیش بیلن مذکور مملکتده بشری بحران کوچهیشی توغریسیده خواطرلرنی کوپهیتیرگن.
اقتصادی مسئلهلر بیلرمانلریدن قطارینینگ ایتیشلریچه، اسلام امیرلیگی بحراننی مدیریت قیلیش و خلقارا یاردملرگه تیگیشلی بولیشنینگ کمهیتیریش اوچون فعالراق منطقهای و دیپلماسی تعاملگه ایگه بولیشی کیرهک.
اقتصادی مسئلهلر بیلرمانی شاکر یعقوبینینگ ایتیشیچه: «نیچه یول بار که امریکا یاردملری اورنینی توته آلهدی، بیرینچیسی قوشنی و منطقه مملکتلر جملهدن تورکیه، قطر، هندوستان، چین و اورته آسیا دیر؛ باشقهسی ایسه نهادلر و اروپا بیرلشمهسی کبی امریکالیک بولمهگن تشکیلاتلر دیر.»
بوندن آلدین افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، تمویل قیلووچی، مالی نهادلر و یوناما حضوری بیلن افغانستان هماهنگلیک گروهی ییغیلیشینینگ اوتکزیلیشی و اوندن مقصد افغانستان اهالیسیگه حیاتی قوللب-قوتلشنینگ دوامی دیب اعلام قیلگن ایدی.
بیزلرنینگ «ایکس» ترماغی ده هم تعقیب قیلینگ!
اقتصادی مسئلهلر بیلرمانی عبدالظهور مدبرنینگ ایتیشیچه، خلقارا یاردملرگه افغانستاننینگ تیگیشلی بولیشی کمهیشی اوچون ایچکی امکانیتلرگه توجه قیلیش کیرهک. «بحران مدیریت بولیشی اوچون بیر قطار ییچیم یوللردن فایدهلنیش کیرهک، جملهدن ایچکی منبعلر و طبیعی همده بشری منبعلردن فایدهلنیش دیر که اقتصادی پایدارلیک و رواجلنیشگه سبب بولهدی.»
بیرلشگن ملتلر تشکیلاتینینگ معلوماتی اساسیده، جاری میلادی ییلده افغانستان ده ۲۲ میلیوندن آرتیق کیشی انسانپرورلیک یاردملرگه نیازمند دیر. شونینگدیک بیرلشگن ملتلر تشکیلاتینینگ بشری یاردملرنی هماهنگ قیلووچی ادارهسی (اوچا)، مذکور کیشیلرنینگ عاجل نیازلری تامینلنیشی اوچون ۲.۲۴ میلیارد دالر بودجه ایستهگن.
