هوا ایسیگن، یشاوچیلر گوجوم پیاده یوللرده اوتیب-قیتماقده. سرکلر چیکهسینینگ کته قسمینی قول اوستیده سودا ساتووچیلر ایگهلهگن. او ییرده بیراز ضعیف و بویی پسراق بولگن بیر ایرکک کوزگه کوریلهدی که کوپ آرام و احتیاط بیلن جمعیت آرهسیدن اوتماقده؛ کوزلری یوموق و یوزی ایسه دایم قویاش نوری آستیده قالیشی سبب کویگن دیر. نرسه ساتیب و حیات خرهجتی نی قولگه کیلتیریش اوچون بیر قولیده کیچیک بیر بقیر کوزگه کوریلهدی و باشقه بیر قولیده ایسه عصاسی بار.
اسمی محمدحسین دیر. اونینگ ایتیشیچه، کوزدن عاجز بولگنی بیلن، لیکن عمریدن ۲۰دن آرتیغینی عایله خرهجتینی تامینلش مقصد، سرکلر چیکهسیده ناس ساتیش بیلن اوتکزگن.
بیزلرنینگ «ایکس» ترماغی ده هم تعقیب قیلینگ!
اونگه کوره، قولیدن کیلگن یالغیز ایش، انه شو دیر. محمد حسین ۱۳ یاشر بولگنیده، ماین پارتلشی نتیجهسیده ایکی کوزینی قولدن بیرگن. بو مدتده سیسلر و عصاسی، کوزدن عاجز بولگنینینگ بیر قسمتینی تولدیره آلگن. «باشده بو موضوعنی چیدهش کوپ قیین ایدی؛ یورهگیم کوپ قیسیدی، هم اویده و هم تشقریده اولتیره آلمس ایدیم، مینی اوچون کوپ قیین بولگن ایدی، کیین باشقه بیر ایش قولیمدن کیلمسلیگی اوچون انه شوو ایشنی باشلهی دیدیم.»
فرزند و عیال گه ایگه بولگن محمد حسین، ینه بیر مرته قویاش چیقیشی و بالهلری سیماسینینگ کوریشنی آرزو قیلهدی. «یگانه آرزوم شو که قیته دنیانی کوره آلسم، بالهلریم سیماسینی کوریشنی ایستهیمن.»
اونینگ اوچون ایرتنگ بولیش، قویاش چیقیشی ایمس، بلکیم آذان سیسی بیلن باشلنهدی. عصاسینی قولیگه آلیب، سیس، هید، دود و رحمسیز بولگن سرکلر تامان یوریشگه باشلهیدی. کوپ قیینچیلیک بیلن روپهره بولیشی بیرحالده، بیراق بالهلریگه بیر لقمه نان تاپیش اوچون اویدن چیقیب و ایشلشی کیرهک. «اویگه بیش عیال بار، یالغیز مین ایشلهیمن. بالهلریم کیچیک دیر. کونده ۲۰۰ گچه ایشلهیمن. هر حالت گه شکر، ناامید ایمسمین. اوی کرایهسی بار که آیده ۲۰۰۰ مینگ بولهدی.»
محمدحسیننینگ ایتیشیچه، سرکلرگه چیقیب و ایشلش اونینگ اوچون قولی بیر ایش ایمس؛ لیکن او بو وضعیتنی چیدهگن. «بعضا ایاغیم جویچه گه کیتهدی. سرکدن اوتیش مینی اوچون کوپ قیین دیر. تیز تیز یوریگنیمده ییقیلهمن.»
بیزلرنینگ فیسبوک صحیفهمیزگه باش اورینگ!
کوزدن عاجز بولگنی یانیده اهالی تامانیدن اذیت بولیشی و اولرنینگ یاندهشووی، محمدحسیننینگ قیینچیلیکلریدن باشقه بیری دیر. اونینگ کوپهیتیریشیچه، بعضا اهالی تامانیدن کور خطاب بولگنی، اذیت قیلینگنی یا-ده ساتیب آلینگن ناس پولی بیریلمهگنی بیلن، بیراق هیچ بیر نرسه اوچون خفه بولمهی و برچه قیینچیلیکلر و سوزلرنی اونوتگن. «اهالی یاندهشوویگه خفه بولمهیمن. بعضا کیلیب ناس بیر چقیرهدیلر و کیین قرهیمن که هیچ کیم یوق، بعضا پول بیرمهیدیلر. کوپ اذیت قیلهدیلر.»
محمد حسیننینگ ایتیشیچه، باشقه کیشیلر کبی شهرنی کوره آلمهیدی؛ بیراق باشقه هر کیمدن آلدین درد و توجهسیزلیک سیسی نی حس قیلهدی. حیاتنینگ باشقه تامانی عایله و امید دیر که اونی دوام بیریشگه مجبور قیلگن.
