ییتکرمهلرنینگ معلوماتیگه کوره، ایرانده انترنت بیر هفتهدن بیری بوتونلی اوزیلگن.
معلوماتلر گه کوره، ایران حکومتی بو چارهنی مملکتدهگی ناراضیلیشک نمایشلرینی خوفسیزلیک کوچلری تامانیدن باسیب آلیش اصوللرینی خلقارا همجمعیتدن یشیریش مقصدیده قوللـهگن.
ایرانده مردمی ناراضیلیکلر دوام ایتماقده ایکن، امریکا اوشبو مملکت دولتی تامانیدن نمایشچیلر قیرغین قیلینیشی و حبس گه آلینیشیگه مناسبت بیلدیریب و بو مملکت گه حربی هجوم قیلیشی حقیده آگاهلنتیرگن.
امریکانینگ ایران گه احتمالی حربی اقدامی، منطقهدهگی کوچلی مملکتلر جملهدن روسیه و چیننینگ کیسکین قرشیلیگی بیلن دوچ بولگن.
اوشبو مملکتلر، امریکانینگ ایران گه احتمالی حربی اقدامینی ایران ایچکی ایشلریگه ارهلشیش و انیق تجاوز قیلیش دیب اتهگنلر.
چین و قطر، امریکا و ایراندن بیر-بیرینی تهدید قیلیش اورنیده، قیینچیلیکلرینی دیپلماتیک یول بیلن حل قیلیش گه چقیرگن.
ایرانده مردمی نمایشلر ییگیرمه کون آلدین اقتصادی قیینچیلیک، ایشسیزلیک و ایران پولی قیمتی مثلسیز درجهده پس توشیش بیلن باشلندی.
