ایچکی ایش‌لر وزیرلیگی مسوول‌لری نینگ ایتیش‌لریچه، اوتگن بیر آی جریانیده طالبان تامانیدن اویوشتیریلگن هجوم‌لر نتیجه‌سیده ۲۴۸ تینچ اهالی هلاک و باشقه ۵۲۷ تینچ اهالی یره‌لنگن دیر.
بوگون “یکشنبه” ایچکی ایش‌لر وزیرلیگی سوزلاوچیسی طارق آرین نینگ ایتیشیچه، اوشبو رقم تینچ اهالی ۱۱ ثور دن باشلب ۹ جوزا گه‌قدر هلاک و یرهلنگنلر. ایچکی ایش‌لر وزیرلیگی سوزلاوچیسی، طالبان گروهی‌نی تینچ اهالی تلفاتی‌گه مسوول عنوان قیلگن.
طارق آرین نینگ کوپه‌یتیریشیچه، طالبان جنگریلری تینچ اهالی‌نی هجوم آستیگه قرار بیره‌دی و انه‌شوو سبب، سونگی آی‌لرده تینچ اهالی تلفاتی کوپه‌یگن. او، طالبان تامانیدن تینچ اهالی نینگ هدف آستیگه قرار بیریلیشی‌نی «اوروش جنایتی» عنوان قیلگن.
بیراق، طالبان گروهی نینگ بو ادعانی رد قیلیب ایتیشیچه، تینچ اهالی تلفاتی نینگ اصلی عاملی امنیتی کوچلر دیر.
طالبان سوزلاوچیسی ذبیح‌الله مجاهد نینگ ایتیشیچه، اوتگن بیر آی جریانیده ۲۰۰ دن آرتیق تینچ اهالی امنیتی کوچلر هجومی نتیجه‌سیده هلاک و یرهلنگنلر.
ایتیلیشیچه، چیت‌ایللیک کوچلرنینگ افغانستاندن چیقیش زمانی اعلان ایتیلگنیدن سونگ، مملکت‌ده زوروانلیکلر رقمی یوقاری کیتگن.