نوار غزه بویلب اسرائیلنینگ کیتمه-کیت ییر و هوا هجوملری دوام قیلیب و اوتگن ۲۴ ساعتده، کمیده ۶۰ فلسطینلیک قربان بولگن.
الجزیره ترماغینینگ بوگون (۳۱-سرطان، سهشنبه)، گزارش بیریشیچه، اوتگن کون آزیق-آوقت یاردملرینی قولگه کیلتیریش اوچون سعیوحرکت قیلهیاتگن ۱۱ کیشی، اسرائیل کوچلری آرقهلی اوققه توتیلیب و قربان بولگن.
بیزلرنینگ فیسبوک صحیفهمیزگه باش اورینگ!
گزارش اساسیده، نوار غزهنینگ بیر قطار بولیملریده هوا و ییر هجوملر دوامی بیلن، اسرائیل تانکلری بیرینچی مرته «دیر البلح»نینگ جنوبی و شرقی منطقهلریگه هم هجوم اویوشتیرگن.
می آیینینگ یکونیدن حاضرگچه، غزه ده آزیق-آوقت ترقهتیلیشینی کوتیب تورگن ۹۰۰دن آرتیق کیشی قربان بولگن. قربان بولگنلردن کوپینچهسی غزه انسانسیورلیک جمغرمهسی مرکزی یقینیده اوققه توتیلگنلر.
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش وزیرلیگینینگ معلوماتی اساسیده، اوروش باشلنگنیدن حاضرگچه، نوار غزه بویلب ۵۹ مینگ ۲۹ کیشی قربان بولیب و ۱۴۲ مینگ ۱۳۵ کیشی یرهلنگن.
