لغمان ده آزیق-آوقت و خاتین-قیزلر نینگ کییم-کیچک‌لرینی تیارلش بیلن مصروف عیاللردن بیرقطاری، سرپرست حکومت دن اوشبو ولایت ده عیاللر گه عاید مارکیت ایشینی تیزلیک بیلن یکونلنتیریشنی اېسته‌یدیلر.
اولر، عادی بازارلرده قول صناعت‌لری یخشی ساتیلمه‌یدی و عیاللر گه عاید بازار ایشی یکونلنگن تقدیرده، قول صناعت‌لری بازاری یخشی بولیشیگه امید بیلدیره‌دیلر.
لغمان مرکزی مهترلام شهریده بشر و سینگلیسی عیاللر نینگ کییملرینی تیکه‌دی، سرپرست حکومت دن اولر گه مخصوص بازار قوریش اوچون دقت قیلیشینی سۉره‌یدیلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایکی سینگیل‌میز، اوی‌ده تیکووچیلیک قیله‌میز و عیاللر کییمی نی تیکه‌میز و کېین بازار گه آلیب باره‌میز، بیراق ایسته‌گنیمیز قیمت گه آلینمه‌یدی. لغمان ده عیاللر قول صناعتی گه مخصوص مارکیت قوریلیشینی ایسته‌یمیز که بو رقم یخشی قیمت گه قول صناعتی‌میز نی ساتسه‌‌ی.»
مهترلام شهریده چرم دن واسکت و کییم تیکه‌دیگن عیال نورزیه گه کوره، اوشبو ولایت ده عیاللر گه عاید مخصوص بازار قوریلگن حالده، توارلرینی یخشی نرخ ده ساتیشی ممکن.
اونینگ ایتیشیچه: «بیزلر چرمه دوزلیک بولگن کییم و واسکت تیکه‌میز و کیین ایسه جلال‌آباد ده ساتیش گه قویه‌میز. او ییرده هم فایده قیله‌دی، بیراق زحمتیمیز گه قره‌گنده فایده‌سی آز دیر. بو ییرگه عیاللر قول صناعتی گه مارکیت قوریلگنی صورت‌ده، یخشی قیمت گه نرسه‌لرنی ساتیب و اهالی‌‌دن بویورتمه آلیب و توزته آله‌میز.»
بیزلرنینگ «ایکس» ترماغی ده هم تعقیب قیلینگ!
لغمانده عیاللر سودا اتاقی مسئولی دیبا سمندری، مذکور ولایت ده عیاللر گه عاید مارکیت نینگ قوریش ایشی جمهوریت توزومیده باشلنگن اېدی، بیراق حاضرگه قدر یکونلنمه‌گنینی اېته‌دی.
اونینگ کوپه‌یتیریشیچه، مذکور مارکیت ایشی یکونلنیشی اوچون باغلیق اداره مسئوللری بیلن صحبت قیلگن. «تدبیرکار عیاللر ایشی برابریده قیین‌چیلیک بار و عیاللر اۉزلری تولید قیلگنلری نرسه‌لرنی ایرککلر آرقه‌لی ساتیش گه قویه‌دیلر که فایده قیلمه‌یدی. سوداگر عیاللر اوچون مارکیت قوریلیش ایسته‌گی نی بیرگن‌میز که اولر گه بیر مارکیت قوریلسه و اولر تولیدلرینی یخشی قیمت گه ساتسه‌لر و ایش زمینه‌سی یره‌تیلسه.»
لغمان سودا اتاقی نینگ معلوماتی اساسیده، بو ولایت نینگ مرکزی و تومنلریده ۵۰۰ عیال علیحده شکلده آزیق-آوقت و کییم-کیچک ایشلب چیقریش بولیمیده فعالیت آلیب بارماقده.
باشقه تاماندن، لغمان بلدیه باشلیغی حسین احمد تیلوی، اوشبو ولایت ده عیاللر گه عاید مارکیت نینگ قوریش ایشی ۲۲ میلیون ۵۰۰ مینگ افغانی خره‌جت کوتاره‌دی و ۷۵ فایز ایشی آلغه آلیب باریلگنینی معلوم قیله‌دی.
اونینگ کوپه‌یتیریشیچه، ایشلری یریم قالگن لایحه‌لر اوچون بودجه طلبی اسلام امیرلیگی رهبری بیلن شریک قیلینگن و تصدیقلنگن حالده ایشلری قیته دن باشلنه‌دی.
اونگه کوره: «لغمان ده مذکور مارکیت نینگ قوریلیشی بیلن عیاللر گه ایش زمینه‌سی یره‌تیله‌دی. بو توغریده مذکور لایحه نینگ عمل‌گه آشیریلیشی اوچون سعی‌وحرکت قیله‌میز. بو موضوع نی وزیرلیک بیلن هم جریان گه قویگن‌میز. اسلام امیرلیگی رهبرلیگی گه بودجه‌سی تکلیف بیریلگن و اونینگ تصدیقلنیشینی کوتیب تورگن‌لر که اوندن کېین مارکیت قوریلسه.»
لغمان ده عیاللر نینگ قول صناعتی اوچون مخصوص مکان یوق‌لیگی، بو ولایت ده کوپینچه تدبیر کار عیاللر نینگ سوداسی اوستیگه سلبی تأثیر قویگن.
