اسلام امیرلیگی مالیه وزیرلیگی تامانیدن کیلهسی ۱۷ کون ایچیده پاکستان دن دارو وارد بولیشی توختهتیلیشی معلوم قیلینگنیدن سونگ، ولایتلردهگی دارو ساتووچیلردن قطارینینگ ایتیشیچه، بازارلرده دارولر قیمتی آشگن.
پروان دهگی دارو ساتووچیلردن عمرنینگ ایتیشیچه، اوتگن اوچ آیده و پاکستان دن دارو کیلتیریلیشی تقیقلنگنی اعلام بولگنی بیلن، دارولر قیمتی کوپهیگن. اونینگ کوپهیتیریشیچه: «پاکستان دارولری بند بولگنیدن بویان، دارولر قیمتی کوپهیگن. حاضرگچه هوتل پروان ده پاکستان دارولری بار، بیراق قیمتی کوپ دیر.»
پروان دهگی دارو ساتووچیلردن باشقه بیری امیرنینگ ایتیشیچه: «پاکستان دارولری بند بولگنیدن بیری، دارولر قیمتی یوقاری کیتگن. حاضرگچه فایدهلنیلهدی، لیکن قیمتی آشگن. بلکیم اونینگ اورنیگه هندستان دارولری اوته آلهدی.»
کابل شهریده ییللردن بویان دارو ساتیش بولیمیده ایشلهیدیگن نویدنینگ ایتیشیچه، بازارگه پاکستان دارولری اورنیده بدیل چیقمسه، دارو قیمتی آلدیندن کوپراق کوپهیشی ممکن. «قیمتلر بیراز آشگن؛ باشقه بیران مملکتدن حاضرگچه دارو کیلتیریلمهگن. اهالی کوپراق پاکستان دارولریدن فایدهلنهدی.»
قریب اوچ آی آلدین اسلام امیرلیگی باش وزیرینینگ اقتصادی اورین باسری عبدالغنی برادر، پاکستان دارولری صفتسیزلیگی سبب، اونینگ وارد بولیشینی بوتونلی شکلده تقیقلنگنینی معلوم قیلگن. بو موضوعدن کیین، مالیه وزیرلیگینینگ چهارشنبه کونی اعلام قیلیشیچه، پاکستان دن دارو کیلتیریلیشی تقیقلنگنینی کیلهسی ۱۹ کونچه عملگه آشیرهدی.
شوندهی بیرحالده، ساغلیقنی سقلش وزیرلیگی سوزلاوچیسی شرافتزمان امرخیلنینگ ایتیشیچه، دارو قیمتی آشیشی آلدی آلینیشی و بازار نیازلری حل بولیشی اوچون مملکت ایچیده دارو ایشلب چیقریلیشی کوپهیشی و باشقه مملکتلردن دارو وارد بولیشی توغریسیده ایشنینگ دوامی بار. امرخیلگه کوره: «اوتگن هفتهلرده دارو وارد بولیشی بولیمیده مملکتلر بیلن شرطنامه امضالنگن؛ اوزون مدتلی و آز مدتلی برنامهلریمیز بار. آز مدتلی برنامهمیزده مملکتلردن مناسب قیمت بیلن صفتلی دارولرنی وارد قیلیش دیر و مملکتنینگ ایچکی تولیدلری بولیمیده هم ایشلنگن.»
لیکن افغانستان دارو ساتووچیلر بیرلشمهسینینگ ایتیشیچه، چین، بنگلهدیش، بیرلشگن عرب امیرلیگی، هندوستان، تورکیه و قوشنی مملکتلردن قطاری، پاکستان دن دارو وارد بولیشی اوچون یخشی بدیل بولیشی ممکن. افغانستان دارو ساتووچیلر بیرلشمهسی باشلیغی فضلالله نیازینینگ ایتیشیچه: «باشقه مملکتلردن دارو وارد بولیشینینگ وقتگه نیازی بار؛ بو مملکتلردن دارو کیلتیرماقچین بولسک، قیمتراق بولیب و بازارده دارو قیمتیگه تاثیر قوییشی ممکن.»
بوندن آلدین، دارو و آزیق-آوقت ملی ادارهسی، دارولر قاچاقی و صفتسیزلیگی سبب، افغانستان یشاوچیلری آرهسیده اونی صرفلنیش میزانینینگ باشقه مملکتلرگه نسبت کوپراق بولگنینی ایتگن ایدی. بو ادارهنینگ معلوماتی اساسیده، افغانستان یشاوچیلری ییلده دارو ساتیب آلیش توغریسیده بیر میلیارد دالر صرفلهیدی.
