تخار ولایتی ساغلیق‌نی سقلش مسئوللری، اوشبو لایت نینگ بیر قطار تومن‌لریده دولت سیناوینی اۉتکزمه‌گن شفاکارلر نینگ معاینه خانه‌لری یاپیلیب و مسلکی دن تشقری فعالیتی بولگن شفاکارلر گه یالغیز مسلکی بولیمیده ایشلش بویروغی بیریلگنینی معلوم قیله‌دیلر.
تخار ولایتی ساغلیق‌نی سقلش ریاستی نینگ ساغلیق قاعده‌لرنی تېکشیریش مسئولی سلطان محمود احمدی نینگ سلام‌وطندار گه ایتیشیچه، سۉنگی ۱۰ کون ایچیده اوشبو ولایت نینگ رستاق و خواجه‌غار تومن‌لریده ۱۰۰ معاینه‌خانه، ۷۵ داروخانه همده مذکور ولایت مرکزی تالقان شهریده زغیر ایشلب چیقریش و سوونی تصفیه قیلووچی فابریکه‌لرنی یقیندن باریب کوزه‌تگنلر.
بیزلرنینگ فیسبوک صحیفه‌میزگه باش اورینگ!
احمدی جنابلری، اگزیت (دولت) سیناوینی اۉتکزمه‌گن شفاکارلر نینگ معاینه‌خانه‌لری یاپیلیب، طب شفاکارلری اورنیده کسل‌لرنی معاینه قیله‌دیگن شفاکارلر همده ناقانونی و لایحه‌لریدن تشقری التراسوند یا که تلویزیونی معاینه قیله‌دیگن قابله‌لر نینگ لوحه‌لری توشیریلیب و اولر گه یالغیز مسلکی بولیم‌لریده فعالیت قیلیش بویروغی بیریلگنینی معلوم قیله‌دی.
تخار ولایتی ساغلیق‌نی سقلش ریاستی نینگ ساغلیق قاعده‌لرنی تېکشیریش مسئولی نینگ کوپه‌یتیریشیچه، اوشبو تېکشیرولری پیتیده تاریخی اوتگن و صفت‌سیز ایکّی تُن دارو و آزیق-آوقت ییغیلیب و رسمی‌لر نینگ حضوری بیلن آلاو بیریلگن.
بیزلرنینگ «ایکس» ترماغی ده هم تعقیب قیلینگ!
سلطان محمود احمدی، بو ولایت مرکزی و تومن‌لریده تېکشیریش‌لری گه دوام بیریش‌لریدن ایشانچ بیره‌دی.
تخار ساغلیق‌نی سقلش ریاستی مسئوللری، بوندن آلدین اوشبو ولایت ده ۵۳ داروخانه و معاینه‌خانه همده ۱۱ داروخانه بوشه‌تیلگنیدن خبر بیرگن اېدیلر.