قندهار ده دهقانلر حاضر کوکنار اورنیده قولوپنای (ییر توتی) ایکیش گه یوز کیلتیریب و اوشبو ولایت مرکزی و تومنلریده قولوپناینینگ ایکیلیشی کوپهیگن. قندهار دهگی دهقانلر مذکور محصولنینگ ایکیلیشیدن خورسندلیک بیلدیریب و اونی باشقه ایکینچیلیک محصوللرگه قرهگنده فایدهلی بیلهدیلر.
قندهار ولایتی ژیری تومنینینگ «نورزی» قیشلاغیدهگی دهقانلردن بیری ۳۷ یاشر موسا کلیمنینگ ایتیشیچه، باغی یانیده بیر جریب ییرنی قولوپنای ایکیلیشیگه اختصاص بیرگن. او اوشبو محصولنی کوکنار اورنیده مناسب بدیل ایکین دیگن.
بیزلرنینگ فیسبوک صحیفهمیزگه باش اورینگ!
او، مذکور محصول حاصلی صفتی آشیشی اوچون مسئوللرنینگ همکارلیک قیلیشی و نیازلری بولگن دارولرنینگ تامینلنیشینی ایستهگن. «قولوپنای تورت موسمده حاصل بیرهدی و یخشی بیر ایکین دیر، بیراق ایسیق کونلرده زیان کورهدی و بازارده مناسب دارو هم تاپیلمهیدی. بو توغریده یاردم بیریلسه، اونینگ حاصلی کوپهیشی ممکن.»
قولوپنای ایکیلیشی یالغیر دهقانلر اوچون درآمد منبعسی ایمس، بلکیم یاشلر اوچون ایش زمینهسینی هم یرهتگن. موسا کلیمنینگ کوپهیتیریشیچه، بو محصولنینگ ییغیم تیریمی پیتده، ایکینزاریده اوندن آرتیق کیشی ایش بیلن شغللنهدی.
مذکور ایکینزارده ایش بیلن شغللنگنلردن بیری فضل باری، بدیل ایکیننینگ ایشسیزلیک کمهیشی اوچون فایدهلی دیب و ایتیشیچه: «بو کبی ایکیننینگ رواجلنیشی اوچون ایشلنیش کیرهک. یو ییرده ایشلب ۱۵۰ افغانی آلهمن، بیراق بو کبی ایکیلیشلرنینگ رواجلنیشی کیرهک که کوپینچه کیشی ایش بیلن شغللنسین.»
شونینگدیک بو ایکینزارده ایش بیلن شغللنگنلردن باشقه بیری سمیعاللهنینگ ایتیشیچه: «قولوپناینینگ ایکینی مناسب بیر ایکین دیر و کوپهیگنی صورتده، بیزلرگه کوپینچه ایش فرصتلری یرهتیلهدی.»
شوندهی بیرحالده، قندهار ایکینچیلیک، سووغاریش و چاروهچیلیک ریاستی هم، کوکنار اورنیده قولوپناینی فایدهلی و بدیل ایکینلردن بیری دیگن. اوشیو ریاست سوزلاوچیسی محمدحنیف حقملنینگ ایتیشیچه، حاضر ایسه قندهار ولایتی بویلب ۸ جریبدن آرتیق ییر قولوپنای گه اختصاص بیریلیب و مذکور ییرلردن ۲۴ تُن حاصل قولگه کیلیشی پیشبینلیک بولگن.
بیزلرنینگ «ایکس» ترماغی ده هم تعقیب قیلینگ!
جناب حقملنینگ کوپهیتیریشیچه: «بو ییل قندهار ده ۸ جریب ییرگه قولوپنای ایکیلگن که اوتگن ییل گه قرهگنده ۲ جریب کوپهیگن و بو ییل توپلم شکلده ۲۴ تُن حاصل قولگه کیلیشی ممکن.»
ایتیش کیرهک که، اوشبو محصولنینگ ایکیلیشی درآمد قولگه کیلیشیگه علاوه، کوکنار ایکینی کمهیشی و جمعیتده ایش زمینهسی یرهتیلیشی توغریسیده اونملی آدیم حسابلنهدی.
