سلاموطندارنینگ نسایی-ولادی تورت متخصص بیلن اوتکزگن صحبتی اساسیده، حیوانی محصوللردن ناتوغری فایدهلنیش، حیوانلر یا که اولرنینگ افلاسلنگن قانلری و خام گوشتی بیلن مستقیم علاقهده بولیش پیتیده طبی قاعدهلرنی رعایه قیلمسلیک، شونینگدیک کسل حیوانلرنینگ قانی یا که سیدیگی بیلن افلاسلنگن چنگ و هوانی تنفس قیلیش، عیاللرنینگ حیوانی محرقه گه چلینیش اصلی عامللریدن حسابلنهدی.
نسایی-ولادی متخصص ترینری ماری شعیبنینگ ایتیشیچه، عیاللر ایرککلر گه نسبتن بو کسللیکّه کوپراق چلینیش خوفی بیلن دوچ، چونکه اولر حیوانلر بیلن کوپراق علاقهده بولیشهدی. «مملکتلردن کوپ قطاریده مدنی جهتدن حیوانلرنی باقیش و سوت ساغیش عیاللر بوینیگه دیر؛ شونینگدیک حیوانلر توغیشی جریانیده عیاللر کوپراق اولر بیلن علاقهده بولیشهدی که دستکش و محافظتی نرسهلردن فایدهلنمهگنلری صورتده، افلاسلنگن نرسهلر بیلن علاقهده بولیب و نتیجهده، کسل بولهدیلر. شونینگدیک باشقه بیر سببنی تدقیقات قیلووچیلر بیان قیلگنلر که، عیاللر اوزیگه خاص بیولوژیک توزیلیش و اوزیگه خاص معافیت گه یگه دیر. هورمونی نقطهی نظریدن هم کوپراق بو کسللیککه چیلینیشلری ممکن و کوپراق بو کسللیککه چلینهدیلر.»
بیزلرنینگ فیسبوک صحیفهمیزگه باش اورینگ!
نسایی-ولادی متخصصلریدن باشقه بیری سونیتا بهرامنینگ ایتیشیچه، بو کسللیککه چلینگن عیاللر دوالنیشلری توغریسیده جدی توجه قیلمهگنلری صورتده، حاملهدارلیک چاغیده یامان عاقبتلرگه آلیب باریشی ممکن. «بیر عیال حاملهدارلیکدن آلدین بو کسللیککه چلینگنی صورتده، اونینگ دوالنیشی ممکن؛ دوالنیشی قولی دیر. حاملهدارلیکدن آلدین زرق بولیش شکلیده هم بولهدی. بیر عیال حاملهدارلیکدن آلدین و حاملهدارلیک چاغیده ینه بو کسللیککه چلینسه، اونینگ سببی ینه هم محصوللردن ناتوغری فایدهلنگن یا-ده دارونینگ آلدینگی دوزینی منظم شکلده آلمهگن.»
نسایی-ولادی بولیمی شفاکاری سمیرا شهیر، حاملهدار عیاللر اوچون محرقه کسللیگی عاقبتلری حقیده ایتیشیچه: «حاملهدارلیک چاغیده بچهدانده چقهلاقنینگ اولیمی، باش اوچ آیده سقط بولیشی، وقتدن آلدین چقهلاقنینگ توغیلیشی و آز وزن بیلن چقهلاقنینگ توغلیشیگه سبب بولهدی. انه شوو سبب، بروسلوز حاملهدارلیک چاغیده جدی بیر خطر حسابلنهدی.»
مذکور کسللیککه چلینگن پروان ولایتی یشاوچیسی بولمیش ۳۷ یاشر زینبنینگ ایتیشیچه: «حاملهدارلیگیمدن اوچ آی بولگن و حیوانی محرقه گه چلینگنمین. اونینگ علایملری قتیق ایسیتمه، جان آغریق، ایاغ آغریق، آغیزنینگ اچیق بولیشی و تننینگ لرزه تاپیشی دیر. آلتی ییلدن بیری بو کسللیککه چلینگنمین. هر ییل بو کسللیککه چلینهمن.»
بیزلرنینگ «ایکس» ترماغی ده هم تعقیب قیلینگ!
شونینگدیک مذکور کسللیککه چلینگن عیاللردن باشقه بیری ۳۰ یاشر رایحهنینگ ایتیشیچه: «محرقه کسللیگیگه حاملهدارلیک چاغی و آیسکریم ییگنی بیلن چلینگن. علایمی ایسه باش آغریق، قتیق ایسیتمه، حوصلهسیزلیک و یورهک بوزیلیش ایدی. شفاکار گه مراجعت قیلدیم. دارو بیردی و حیوانی محصوللردن فایدهلنمه دیدی. اوچ آیلیک دارو آلدیم و چقهلاغیمگه قیینچیلیک چیقمهدی؛ چونکه تیزلیک بیلن دوالنیشگه اقدام قیلدیم. فکرمچه آیسکریمنینگ توزهتیلیشیده پاکراق سوتدن فایدهلنمهیدیلر و انه شوو سبب بو کسللیککه چلیندیم.»
ایتیش کیرهک که، حیوانی محرقه کسللیگی (بروسلوز)، انسان و حیوانلر آرهسیدهگی یوقوملی قوشمه کسللیکلردن بیری بولیب، «بروسلا-Brucella» اسملی باکتریا آرقهلی اورته گه کیلهدی. مذکور کسللیک کوپراق سگیر، قوی، ایچکی و تویه کبی حیوانلرده کوریلهدی؛ لیکن بعضا تصادفی شکلده هم انسانلرگه یوقیشی ممکن.
