بدخشان ولایتی واخان تومنی یشاوچیلریدن قطاری، یاوای حیوانلرنینگ ناقانونی آولنیشیدن خواطر بیلدیریب و ایتیشلریچه، مملکتنینگ ایکینچی ملی پارکی، نایاب حیوانلر انقراضی بیلن روپهره دیر.
اولر مسئول نهادلردن اوشبو طبیعی میراثنینگ اورتهدن کیتیشی آلدی آلینیشی اوچون، تیزلیک بیلن اقدام بولینیشینی ایستهگنلر.
بدخشان ولایتی واخان تومنی یشاوچیلریدن بیری اسلمشاهنینگ سلاموطندار ایتیشیچه، مذکور تومندهگی یاوای طبیعت مملکتنینگ باشقه هیچ بیر جاییده تاپیلمهیدیگن نایاب حیوانلرگه ایگه دیر. اونینگ کوپهیتیریشیچه، قیغو بیلن سیاحتچیلر و منفعتپرست کیشیلردن قطاری سیاحت قیلیش بهانهسی بیلن بو حیوانلرنی آولهیدیلر.
بیزلرنینگ فیسبوک صحیفهمیزگه باش اورینگ!
اونگه کوره، حددن تشقری آولش نهفقط یاوای حیوانلرنی یوقاتیش خوفی آستیده قرار بیرهدی، بلکیم واخان طبیعتی برقرارلیگینی هم بوزهدی. «واخان افغانستاننینگ ایکینچی ملی پارکی دیر. بو ییرده مارکوپولو، قار قاپلانی و تاغ ایچکیسی کبی نایاب حیوانلر یشهیدی؛ بو کبی حیوانلر مملکتنینگ باشقه هیچ بیر ییریده تاپیلمهیدی. اوشبو یاوای حیوانلر واخاننی مشهور قیلگن؛ بیراق قیغو بیلن سونگی ییللرده مذکور حیوانلر سانی کمهیگن. سببی ایسه ناتانیش و سیاحتچیلردن قطاری سیاحت بهانهسی بیلن، حیوانلرنی آولهیدیلر و هیچ نظارت هم یوق.»
شونینگدیک واخان تومنی یشاوچیلریدن باشقه بیری حسنبیکنینگ ایتیشیچه، سونگی نیچه ییلده نایاب حیوانلر آولنیشی کوپهیگن و بو توغریده جدی نظارت بولمهگنی صورتده، اولرنینگ نسلی بوتونلی اورتهدن کیتیشی ممکن. اونینگ کوپهیتیریشیچه: «منظم شکلده نظارت بولیگی و کنترول بولمسلیگی سبب، آولش کوپهیگن و بو منطقهلرده حیوانلردن کوپ قطار آولنهدی. اوشبو آولنیش دوام قیلگنی صورتده، حیوانلر نسلی انقراض بیلن روپهره بولهدی.»
شوندهی بیرحالده، بدخشان ده طبیعی منبعلر و یاوای طبیعتی بوییچه ایش بیلرمان جعفر طیار، واخاننی افغانستاننینگ ارزشلی و استراتژیک منطقهلریدن بیریب دیب و اورغولشیچه، بو منطقه یاوای حیوانلردن تورلیخیل نایاب تورلر میزبانی بولیب و یوقاری اکولوژیکی ارزشگه ایگه دیر.
اونینگ ایتیشیچه: «بو منطقه تورلیخیل نایاب حیوانلر میزبانی دیر که حتا دنیانینگ باشقه بولیملریده هم اونچهلیک تاپیلمهیدی و اولر یوقاری اکولوژیکی ارزش گه ایگه دیر. سقلش منظم برنامهلر یوقلیگی سبب، اولردن قطاری اورتهدن کیتیش خوفی آستیده قرار تاپگن. تیزلیک بیلن اقدام بولمسه، دایمی شکلده اولرنینگ قولدن بیریشیمیز ممکن.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، بدخشان اطراف محیط ادارهسی باشلیغی فیضالرحمان ابراهیمینینگ اورغولشیچه، یاوای طبیعتنی سقلش ملی بیر مسئولیت دیر و متخلفلر بیلن قانونی یاندهشیلیشی ممکن. «ناقانونی آوچیلرنینگ تانیلیشی و قولگه آلینگنی صورتده، اولرنینگ دوسیهلری محکمهلرگه تاپشیریلیشی و اولر بیلن قانونی شکلده یاندهشیلیشی ممکن. بو منطقهده بیرار کیشی یا-ده گروهنینگ آولشگه حقی یوق.»
باشقه بیر تاماندن، بدخشان زراعت ریاستی طبیعی منبعلر آمری روحالله نورینینگ ایتیشیچه، واخان اوشبو ولایتنینگ اینگ اونملی اقتصادی منبعلریدن بولیب و سیاحتچیلیک آستقورمهلری رواجلنیشی اهالینینگ یشش وضعیتیگه یاردم بیره آلیشی ممکن. «مذکور ینگی ییلده واخان ده بیران لایحهمیز یوق و اوتگن ییلده ایکی میلیون افغانی عوضیگه واخان ملی پاکی آمریتی اوچون بیر بنا قوردیک که سیاحتچیلر او ییرگه کیتهدیلر.»
واخان، مملکتنینگ ایکینچی ملی پارکی و قار قاپلانی، تاغ ایچکیسی و بوری کبی نایاب تورلرنینگ یشش جایی دیر. بو منطقه نهفقط اکولوژیک نقطهی نظریدن فایدهلی دیر، بلکیم افغانستان گه سیاحتچیلیک توغریسیده مهم جای حسابلنهدی. شوندهی بیرحالده، ناقانونی آولش و فایدهلی شکلده نظارت یوقلیگی، بو تورلر نسلی قالیشی اوچون جدی تهدید بولیب و تیزلیک بیلن ملی و خلقارا نهادلرنینگ اعتبار قرهتیشیگه نیازی بار.
