غزنی و پروان ولایت‌لری محلی مسئوللری، اوشبو ولایت‌لرده علیحده ترافیکی حادثه‌لرده ایکّی کیشی هلاک بولیب و باشقه آلتی کیشی یره‌لنگنینی معلوم قیلگنلر.
غزنی امنیه قوماندان‌لیگی سۉزلاوچیسی خالد سرحدی نینگ سلام‌وطندار گه ایتیشیچه، بوگون (۱۵-جوزا، سه‌شنبه) اېرته‌لب ساعت ۷:۰۰ اطرافی ده، کابل-قندهار قتناو یولی اندر تومنی حدودلری گه قره‌شلی «نانی» قیشلاغیده «پاسو» رسوملی بیر موتر بیلن «سراچه» رسوملی بیر موتر نینگ توقنشووی عاقبتیده بیر کیشی هلاک بولیب و باشقه تورت کیشی یره‌لنگن.
بیزلرنینگ فیسبوک صحیفه‌میزگه باش اورینگ!
غزنی امنیه قوماندان‌لیگی سۉزلاوچیسی گه کوره، واقعه طفیلی یره‌لنگنلر کسلخانه گه آلیب باریلگن.
خالد سرحدی نینگ کوپه‌یتیریشیچه، اوشبو واقعه هیداوچیلر نینگ دقت‌سیزلیگی سبب یوز بیرگن.
عین‌حالده، پروان ولایتی امنیه قوماندان‌لیگی سۉزلاوچیسی فضل‌الرحیم مسکین‌یار نینگ ایتیشیچه، اۉتگن کون اوشبو ولایت نینگ سیاه‌گرد تومنی حدودلری «پُل رنگ‌آب» منطقه‌سیده ترافیکی حادثه ده بیر کیشی هلاک بولیب و باشقه ایکّی کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
مسکین‌یار گه کوره، بو واقعه ایکّی موتر سایکل نینگ توقنشووی سبب یوز بیرگن. واقعه طفیلی یره‌لنگنلر دوالنیش اوچون سیاه‌گرد تومنی ایمرجنسی کسلخانه‌سیگه آلیب باریلگن.
سرک‌لر تارلیگی و موترسایکل هیداوچیلر نینگ دقت‌سیزلیگی، بو واقعه سببی اته‌لگن.
