خلقارا قاچقینلر کونی بیلن بیرگه، بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی ادارهسیگه کوره، مملکت گه قیتگن بیر میلیون ۵۰۰ مینگ کیشیگه هویت حجتی تامینلنیشی مقصد، بیر دستورنی یولگه قویهدی.
بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمی باشلیغی عرفات جمال، بوگون (۲۸-جوزا، پنجشنبه)، کابل ده اوتکزیلگن خبری بیر ییغیلیشده ایتیشیچه، مذکور دستور قاچقینلرنینگ حقوقلریگه قول تاپیشلری مقصدیده و بو نهاد همکارلری یاردمیده عملگه آشیریلهدی.
عرفات جمالگه کوره، اوشبو دستورنینگ عملگه آشیریلیشی بیلن مملکت گه قیتگن ۵۰۰ مینگ کیشیگه کیملیک و بیر میلیون بالهگه ایسه توغیلیش کارتی ترقهتیلهدی. بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمینینگ کوپهیتیریشیچه، قوشنی مملکتلردن قاچقینلر قیتیشی کوپهیشی، اولردن اوزون مدتلی و فوقالعاده حمایتلرگه بولگن احتیاجنی باشقه هر وقتگه قرهگنده کوچهیتیرگن.
بو دستور گه شامل بولگن نهادلر وکیللرینینگ اورغولشیچه، هویت حجتلری تامینلنیشی، مملکت گه قیتگنلرنینگ جمعیتگه برقرار قوشیلیشی همده اولرنینگ اجتماعی و اقتصادی امکانیتلردن فایدهلنیشی اوچون اساسی آدیم دیر. بیرلشگن ملتلر تشکیلاتیگه کوره، قاچقینلر قیتیشی جریانی کوچهیشی میزبان جمعیت و افغانستان ده عمومی خذمتلر اوستیگه کوپراق باسیم کیلتیرگن.
