سرپرست حکومت ایچکی ایشلر وزیرلیگی نینگ مخدره ماده گه قرشی کوره‌ش معینیتی‌ده مسئوللر نینگ ایتیشلریچه، قویاش جاری ییل نینگ باشلنگنی‌دن حاضرگچه ۱۸۰۰ هکتار ییرنی کوکنار ایکینی‌دن تازه‌لگنلر.
اوشبو معینیت دفتری باشلیغی حسیب‌الله احمدی نینگ ایتیشیچه، افغانستان ده کوکنار ایکیش اوچون هیچ کیم گه رخصت بیریلمه‌یدی و متخلف کیشیلر ایسه قولگه آلینیب، محکمه گه تانیشتیریلیشی ممکن.
اونینگ کوپه‌یتیریشیچه: «هیچ کیم گه مخدره ماده نینگ ایکیلیشی، تولیدی و قاچاقی اوچون رخصت بیریلمسلیگی خصوصیده تعهدیمیز بار؛ متخلف کیشی مخدره ماده گه قرشی کوره‌ش معینیتی و کشفی اداره‌لر آرقه‌لی قولگه آلینیب و قرارلر اساسیده محکمه گه تاپشیریلیشی ممکن.»
بیزلرنینگ «ایکس» ترماغی ده هم تعقیب قیلینگ!
عین حالده، اسلام امیرلیگی کوچلری افغانستان بویلب کوکنار ایکین‌زارلرینی تازه‌لگنلری بیرحالده؛ لیکن ولایت‌لردن قطاری‌ده دهقانلر نینگ ایتیشلریچه، قشاق‌لیک سبب ینه هم کوکنار ایکیش گه مجبورلر.
اولرنینگ کوپه‌یتیریشلریچه، سرپرست حکومت تامانیدن اولر گه اصلاح بولگن اوروغ و بدیل ایکین ترقه‌تیلمه‌گنی صورت‌ده، کوکنار ایکیش گه دوام بیریشلری ممکن.
کاپیسا یشاوچیسی صبور نجرابی نینگ ایتیشیچه: «اقتصادی قیین‌چیلیک بار؛ بیزلر گه بدیل ایکین بیریلمه‌ی و بو بولیم‌ده دهقانلر بیلن همکارلیک بولمه‌گن. حکومت‌دن بدیل ایکین بیریلیشی نی ایسته‌یمیز. بو ایسته‌گیمیز عمل گه آشیریلمه‌گنی صورت‌ده، کون اوتیشی بیلن کوکنار ایکینی کوپه‌یشی ممکن.»
شونینگدیک کاپیسا ده دهقان‌لردن بیری عبدالرئوف نینگ ایتیشیچه: «بیزلر گه بدیل ایکین بیریلگنی صورت‌ده، حلال یول‌دن تاپیشیمیز ممکن. بدیل ایکین بیریلمه‌گنی صورت‌ده، اقتصادیمیز یخشی‌لنیشی اوچون کوکنار ایکیش گه مجبورمیز.»
بیزلرنینگ فیسبوک صحیفه‌میزگه باش اورینگ!
شونینگدیک نیمروز ده دهقان‌لردت سورگل نینگ ایتیشیچه، ایش‌سیزلیک و قشاق‌لیک سبب کوکنار ایکیش گه یوز کیلتیرگن. «کوکنار ایکیش گه مجبورمیز؛ باشقه ایش یوق. دولت بدیل ایکین بیرمه‌یدی؛ سوو هم یوق؛ کوکنار ایکیش گه مجبورمیز.»
ایچکی ایشلر وزیرلیگی نینگ مخدره ماده گه قرشی کوره‌ش معینیتی‌ده مسئوللر نینگ اورغولشیچه، دهقانلر گه بدیل ایکین بیریلیش اوچون سعی‌وحرکت بوله‌دی.
بیرلشگن ملتلر تشکیلاتی بوندن آلدین کوکنار ایکینی تقیق‌لنیشی نینگ دهقانلر گه ۱میلیارد دالردن کوپراق زیان ییتیشتیرگنی نی ایتگن ایدی.
