اسلام امیرلیگی ایچکی ایشلر وزیرلیگی، بیرلشگن ملتلر تشکیلاتی‌نینگ افغانستان ده تریاک ایکیلیشی و تولید بولیشی کوپه‌یگنی حقیده‌گی گزارشینی رد قیلیب و اونینگ «حقیقت‌دن اوزاق» دیگن.
سرپرست حکومت ایچکی ایشلر وزیرلیگی سوزلاوچیسی عبدالمتین قانع، اوز اکس صحیفه‌سیده بیر بیانیه‌ده یازیشیچه، سونگی بیر ییل‌ده افغانستان ده بنگی‌وار ماده‌لر‌نینگ ایکیلیشی و تولید بولیشی کمه‌یگن.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «بنگی‌وار ماده‌لر ویران قیله‌دیگن بیر نرسه دیر و اسلام دینی نقطه‌ی نظری‌دن هم حرام دیر؛ افغانستان اسلام امیرلیگی بو امر نی نظرگه آلیب و رهبریت بویروغی اساسیده، اونینگ بیلن قرشی کوره‌ش‌نی ایشلری‌نینگ اوستون بولیمی‌گه قرار بیرگن.»
بیرلشگن ملتلر تشکیلاتی‌نینگ جنایت و بنگی‌وار ماده‌لر گه قرشی کوره‌ش اداره‌سی، ۷-قوس، چهارشنبه کونی بیر گزارش ترقه‌تیش بیلن اعلام قیلیشیچه، افغانستان ده تریاک ایکیلیشی اوتگن میلادی ییل‌گه قره‌گنده ۳۰ فایز کوپه‌یگن.
بیزلرنینگ فیسبوک صحیفه‌میزگه باش اورینگ!
اوشبو اداره‌نینگ گزارشی اساسیده، جاری میلادی ییل‌ده افغانستان ده ۴۳۳ تُن تریاک تولید بولگن که اونینگ ارزشی قریب ۲۶۰ میلیون دالر بهالنگن.
اسلام امیرلیگی قدرت گه ایریشگنی‌دن کیین، افغانستان ده بنگی‌وار ماده‌لر‌نینگ ایکیلیشی و تولید بولینیشی نی تقیق‌له‌ب و ادعا قیلیشیچه، حاضر افغانستان ده بنگی‌وار ماده‌نینگ ایکیلیشی و تولید بولیشی اوتگن ۲۰ ییل‌ده اینگ آز درجه‌گه ایتگن.
