اسلام امیرلیکی سرپرست حکومتی ایچکی ایشلر وزیرلیگی نینگ مخدره ماده گه قرشی کوره‌ش معینیت مسئوللری نینگ سلام‌وطندار گه ایتیشلریچه، اوتگن بیر ییل‌ده مخدره ماده گه قرشی کوره‌ش اوچون یولگه قوییلگن ۲۳ مینگ عملیات نتیجه‌سیده، مخدره ماده عیبی بیلن ۹ مینگ ۷۰۰ کیشی نی قولگه آلگنلر.
ایچکی ایشلر وزیرلیگی نینگ مخدره ماده گه قرشی کوره‌ش معینیت دفتری باشلیغی حسیب‌الله احمدی نینگ ایتیشیچه، اوتگن قویاش ییل‌ده مخدره ماده ایکیلگن ۱۳ مینگ هکتار ییر هم تازه‌لنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانستان بویلب مخدره ماده گه قرشی کوره‌ش اوچون یولگه قوییلگن ۲۳ مینگ عملیات نتیجه‌سیده، مملکت‌ده مخدره ماده قاچاقی عیبی بیلن ۹ مینگ ۷۰۰ کیشی نی قولگه آلیب و مخدره ماده ایکیلگن ۱۳ مینگ هکتار ییرنی هم تازه‌لگن‌میز. شونینگدیک تورت‌مینگ ۳۰۰ تُن‌دن آرتیق مخدره ماده نی اورته‌دن کیتگزگن‌میز.»
شونده‌ی بیرحالده، سیاسی مسئله‌لر بوییچه ایش بیلرمان عزیز استانکزی، افغانستان ده مخدره ماده ایکین‌زارلری کمه‌یگنی گه اشاره قیلیب، سرپرست حکومت‌دن مخدره ماده قاچاق‌چیلری نینگ قولگه آلینیشی اوچون کوپراق سعی‌وحرکت قیلینیشی نی ایسته‌گن. «حاضرگچه افغانستان ده قاچاق‌چیلر آرقه‌لی مخدره ماده نینگ سقلنیشی ممکن که ایسته‌گنلری پیتده، اونینگ ساته‌دیلر.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، بوندن آلدین قوشنی مملکت‌لر افغانستان ده مخدره ماده اینیقسه صناعتی مخدره ماده قاچاقی کوپه‌یگنی خصوصیده خواطر بیلدیرگن ایدیلر؛ بیراق ینگی‌لیکده ایچکی ایشلر وزیرلیگی سوزلاوچیسی عبدالمتین قانع، صناعتی مخدره ماده‌لر نینگ قوشنی و منطقه مملکت‌لردن افغانستان گه انتقال تاپیشی نی بیان قیلگن.