بامیان محلی مسئوللری نینگ ایتیشلریچه، اوشبو ولایت نینگ ییتتی تومنیده ۳۲ میلیون افغانی عوضی گه قوریلگن یوزلب کیلومتر سرک و نیچه کیلومتر ایکینچیلیک اریغ یک‌شنبه کونی، ۲۶-قوس، فایدهلنیشگه تاپشیریلگن.
بامیان قیشلاق‌لر نی رواجلنتیریش و قیته قوریش باشلیغی ضیاءالدین خادم نینگ ایتیشیچه، اوشبو لایحه‌لر بیرلشگن ملت‌لر تشکیلاتی نینگ مهاجرلر ایشلری بوییچه عالی کمیشنری (UNHCR) مالی حمایتی بیلن تطبیق بولیب و ۳۲ میلیون ۷۶۰ مینگ افغانی خره‌جت کوتارگن.
بیزلرنینگ فیسبوک صحیفه‌میزگه باش اورینگ!
بامیان قیشلاق‌لر نی رواجلنتیریش و قیته قوریش باشلیغی نینگ کوپه‌یتیریشیچه، پنجاب، ورس، سیغان، کهمرد، شیبر، یکاولنگ نمبر ۱ و یکاولنگ نمبر ۲ تومن‌لریده قوریلگن اوشبو لایحه‌لر ۳۰۵ کیلومتر سرک نی توزه‌تیش و بیش کیلومتر ایکینچیلیک اریغ نی قازیش‌دن عبارت دیر.
ضیاءالدین خادم گه کوره، اوشبو لایحه‌لردن ۲۴ مینگ ۵۰۰ عایله مستقیم شکلده فایده‌لنیب و شونینگدیک قوریلیش جریانیده ۳۳۰۰ مینگ کیشی گه ایش زمینه‌سی یره‌تیلگن ایدی.
بیزلرنینگ «ایکس» ترماغی ده هم تعقیب قیلینگ!
