هرات ده عیاللردن قطاری نینگ ایتیشلریچه، سرپرست حکومت آرقه‌لی عیاللر تعلیمی و ایشی خصوصیده یره‌تیلگن چیکلاو‌لردن کیین، ایش‌سیزلیک طفیلی روحی قیینچیلیکلردن قوتقریلیش و اوزلری گه درآمد منبع‌سی نی یره‌تیش اوچون، اوی ایشلری گه یوز کیلتیرگنلر.
هرات شهری یشاوچیسی بولمیش ۴۵ یاشر زینب شفیع‌زاده، اویی‌ده قوروق میوه تجارت ایشی نی یولگه قوییگن عیاللردن بیری بولیب، اوزی گه درآمد منبع ایجاد قیلیش بیلن، باشقه ۳۰ عیال و قیز گه هم ایش زمینه‌سی و درآمد قولگه کیلتیریش منبع‌سی نی یره‌تگن دیر.
مذکور عیاللر آره‌سیده، آلتینچی صنف‌دن یوقاری قیز اوقووچیلر و قیز طلبه‌لر هم شامل دیر.
بیزلرنینگ فیسبوک صحیفه‌میزگه باش اورینگ!
هرات شهری یشاوچیسی و آلتینچی صنف‌نی بیتیرگن اوقووچی سحر احمدیار نینگ ایتیشیچه، اوزینی اوینتیریش و تعلیم نی دوام بیره آلمسلیک خصوصیده روحی قیینچیلیکلردن اوزاق بولیش اوچون، باشقه عیاللر یانیده مه‌ییز پاک‌له‌یدی.
اونینگ کوپه‌یتیریشیچه: «هیچ نرسه درس جایی نی توتمه‌یدی، مین هر کون اویانگنیم‌دن کیین، ایشیم کتاب‌چه و قلم‌لریم بیلن ایدی، آلتینچی صنف گه ییتیشگنیم‌ده، ییل نینگ یکونلنیشی بیلن باشقه مکتب باره آلمسلیک خصوصیده قورقه‌ر ایدیم و روحی وضعیتیم خصوصیده ناآرام ایدیم، انه شوو سبب کیین ایسه مه‌ییز پاکلش گه یوز کیلتیردیم.»
باشقه بیر تاماندن، اوشبو کیچیک تجارت ایگه‌سی بانو شفیع‌زاده شامل عیاللردن قطاری، ایش بازاری یخشی ایمس‌لیگی‌دن خواطر بیلدیریب ایتیشلریچه، مذکور ایش آرقه‌لی قولگه کیلتیره‌دیگنلری درآمد، حیات نیازلری نی تأمین‌لش خصوصیده ییترلی ایمس.
زینب شفیع‌زاده نینگ ایتیشیچه: «بازار یوق، ساتیش بازاری یخشی ایمس. بار میوه‌لرنی پروسس قیله‌میز، بو ییرده مه‌ییز، بادام، چیلان و جیده بار. ینگی ییل هم یقین بولگن، برچه محصوللر یانیمیزده قالگن؛ ساتیش یوق. مکتب و بیلیم یورت‌لرده بولگن قیزلر و عیاللر نینگ باشقه ایشلری یوق؛ برچه‌لری کیلیب و شو ایش بیلن شغللندیلر.»
شونینگدیک مه‌ییز پاکلش بیلن شغللنگن سونیا احمدی نینگ ایتیشیچه: «نیازلریمیز نی حل قیلمه‌یدی؛ عایله‌میز سانی کوپ دیر. بو ییردن قولگه کیلتیره‌دیگنیم پول بیلن کونده‌لیک خره‌جتیمیز چیقمه‌یدی. درست بیر شکلده حیات کیچیریش اوچون ییترلی ایمس.»
هرات محلی مسئوللری نینگ بیاناتی اساسیده، جاری ییل اوشبو ولایت‌ده عیال‌لرو قیزلر اوی ایشلری نی انجام بیریش و کیچیک تجارت‌لرنی یولگه قوییش گه یوز کیلتیرگنلر و شونینگدیک بیر قطار مورد‌لرده یاردم بیرووچی تشکیلات‌لر هم همکارلیک قیلگن.
بیزلرنینگ «ایکس» ترماغی ده هم تعقیب قیلینگ!
بو توغریده غرب حوزه‌سی نینگ سوداگرلیک و عیاللر صناعتی اتاقی رئیسی بهناز سلجوقی نینگ ایتیشیچه: «مؤسسه‌لر بیلن جلسه‌میز بار و شونینگدیک تجارت ریاستی دایم خصوصیده سکتور‌لردن حمایت قیلگن، بیزلر عیاللر سیسی نی ییتیشتیره‌میز که بو رقم عیاللردن حمایت بولسین و عیاللر نینگ اوز ایاغلریده توخته‌شلری اوچون تلاش قیله‌میز.»
غرب حوزه‌سی نینگ سوداگرلیک و صناعت اتاقی معلوماتی اساسیده، حاضر هرات ده ۸ مینگ‌دن آرتیق سوداگر عیال رسمی شکلده و ۱۲۰ مینگ‌دن آرتیق عیال نارسمی شکلده سوداگرلیک و اوی ایش-کاری بیلن شغللنگن.
