هرات ده اوتگن کونی (یک‌شنبه، ۶-عقرب)، خصوصی بیر مکتب اوقووچیلری نینگ علمی-فرهنگی اوچ کون‌لیک کورگزمه‌سی یولگه قوییلگن.
بیزلرنینگ «ایکس» ترماغی ده هم تعقیب قیلینگ!
مذکور کورگزمه‌ده، ۱۲۰ توردن آرتیق پروژه و قولده توزه‌تیلگن نرسه‌لر، اوچ کونگچه نمایش گه قوییلگن.
هرات معارف ریاستی نینگ عمومی تعلیمات آمری عبدالله امینی، مذکور کورگزمه نینگ یولگه قوییلگنی‌دن خورسند‌لیک بیلدیریب و اورغولشیچه، اوشبو ریاست دولتی و خصوصی مکتبلر اوقووچیلری آره‌سیده مثبت رقابت ایجاد بولیشی و اولر نینگ تشویق بولیشی اوچون بو ولایت‌ده تورلی رقابت‌لر بیلن کورگزمه‌لر نینگ یولگه قویماقچین.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بو کورگزمه نینگ یولگه قوییگن و هرات خصوصی مکتبلر بیرلشمه‌سی باشلیغی سیداکرام‌الدین حبیبی، مذکور کورگزمه نینگ یولگه قوییلگنی‌دن مقصد اوقووچیلرنی قوللب-قوتلش و اولرنی تشویق قیلیش عنوان قیلگن.
هرات معارف ریاستی مسئوللری نینگ معلوماتی اساسیده، حاضر بیر میلیون‌دن آرتیق اوقووچی بو ولایت نینگ دولتی و خصوصی مکتب‌لریده تعلیم کورماقده.
