هرات ایکینچیلیک، چاروه‌چیلیک و سووغاریش ریاستی‌ده محلی مسئوللر‌نینگ ایتیشلریچه، عایله‌لر اقتصادی‌نی قوللب-قوتلش مقصد، اوشبو ولایت رباط‌سنگی و کشک کهنه تومن‌لری‌ده‌گی عیاللردن قطاری‌گه ساغین ایچکی ترقه‌تیلگن.
هرات ایکینچیلیک، چاروه‌چیلیک و سووغاریش ریاستی چاروه‌چیلیک آمری محمد‌عمر قاصدنینگ سلام‌وطندار گه ایتیشیچه، مذکور ایچکیلر بو تومن‌لر‌نینگ اقلیم شرایطی بیلن ماس بولگنی سبب، تنلنگن.
بیزلرنینگ «ایکس» ترماغی ده هم تعقیب قیلینگ!
جناب قاصدنینگ کوپه‌یتیریشیچه: «اوشبو منطقه‌ده ساغین ایچکی‌لرنی یخشی نتیجه بیرگنی اوچون بو ایچکی‌لرنی انتخاب قیلیب و ۴۰۰ عایله‌گه ترقه‌تدیک. بو لایحه حاضرگچه ایکی تومن‌ده عمل‌گه آشیریلگن و باشقه تومن‌لرده هم عمل‌گه آشیریلیشی اوچون پلانی‌میز بار.»
باشقه بیر تاماندن، اقتصادی مسئله‌لر بیلرمانی عبدالخلیل قادری مذکور ریجه‌نی خوش قرشی‌لب و ایتیشیچه، بو برنامه‌نینگ باشقه تومن‌لر و قیشلاقلرده‌هم عمل‌گه آشیریلیشی کیرهک.
جناب قادری‌نینگ کوپه‌یتیریشیچه: «بو برنامه‌لر‌نینگ تومن‌لر و قیشلاقلرده عمل‌گه آشیرسینلر. ایکینچیلیک ییرلری بولگن و چاروه‌چیلیککه قیزیققنلرگه تعلیمی برنامه‌لر اوتکزسینلر، چونکه اهالی چاروه، ییر و آذوقه آلیش‌گه کوچی ییتیشمه‌یدی و بو امکانیت اولر اختیاری‌گه قرار تاپگنی‌ده اولر بو توغریده ایشله‌ب، سوت و سوت محصوللری‌دن فایده‌لنه آله‌دیلر. جوده‌یم یخشی بیر برنامه دیر.»
شونده‌ی بیرحالده، بو لایحه‌دن فایده‌لنگن عیاللردن قطاری‌نینگ ایتیشلریچه، بو لایحه سبب اولرگه ایش بیلن شغللنگن.
هرات ولایتی رباط‌سنگی تومنی یشاوچیلری‌دن بیری نسیمه‌نینگ ایتیشیچه، مذکور ایچکیلر سوتی‌دن حیات نیازلرینی تامین‌لش اوچون فایده‌لنه‌دیلر. «بیراز سوت بیره‌دی که اونی بیلن نیازلری‌میزنی تامین قیله‌میز. مذکور ایکی ایچکی‌دن سوت ساغه‌میز و بو سوت‌دن بیرازی باله‌لریم‌گه هم بوله‌دی. ایش‌سیزلیککه قره‌گنده یخشی دیر. بو ایچکیلر سانی‌نی کوپه‌یتیرماقچین‌مین. بیراز پول ییغیب، بیر نیچه ایچکی ساتیب آلماقچین‌مین.»
بو لایحه‌گه شامل بولگن عیاللردن باشقه بیری محبوبه، حکومت تامانید بو حمایت‌لر‌نینگ دوام قیلیشی‌گه تاکید‌لب و ایتیشیچه، چاروه‌لری سانی کوپه‌یشی اوچون سعی‌وحرکت قیلماقده.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قیلگن‌لری سونگی یاردم‌لر جوده‌یم خورسند‌میز. ایکینچیلیک و چاروه‌چیلیک بولیمی‌ده بو کبی باشقه یاردم‌لر بولینیشی‌نی ایسته‌یمیز. آزیق-آوقت محصولاتی ترقه‌تیلگنی‌گه قره‌گنده بو یاردم یخشی . سوت محصوللری‌دن هم فایده‌لنه‌میز همده ساته‌میز و اونینگ پولی‌دن نیازی‌میز بولگن نرسه‌لرنی ساتیب آله‌میز. بو ایش بیلن هم مصروف‌میز و هم عایله نیازلری‌میزنی تامین قیله‌میز.»
ایتیش کیرهک که، مذکور لایحه افغانستان قیشلاقلرنی رواجلنتیریش و قیته قوریش موسسه‌‌لری مالی حمایتی بیلن عمل‌گه آشیریلگن که بو کبی لایحه‌لر، مملکت‌نینگ باشقه ولایت‌لری‌ده هم اوتکزیلگن.
