هرات ولایتی محلی مسئوللری نینگ ایتیشلریچه، هرات-ادرسکن قتناو یولیده یوز بیرگن ترافیکی حادثه نتیجه‌سیده، بیر عایله‌دن ییتی کیشی اولگن.
هرات امنیه قوماندانلیگی سوزلاوچیسی عبدالله انصاف نینگ ایتیشیچه، مذکور حادثه اوتگن کیچه ساعت ۷:۳۰ اطرافیده، «سویفت» رسوملی بیر موتر بیلن «مازدا» رسوملی یوک تاشووچی بیر موتر نینگ توقنشووی سبب یوز بیرگن.
بیزلرنینگ فیسبوک صحیفه‌میزگه باش اورینگ!
جناب انصاف نینگ کوپه‌یتیریشیچه، اوشبو حادثه نتیجه‌سیده اولگن کیشیلر آره‌سیده باله‌لر و عیال‌لر هم شامل دیر.
محلی مسئوللر نینگ بیاناتی اساسیده، اوتگن ۲۴ ساعت‌ده بو ولایت‌ده یوز بیرگن ایکی ترافیکی حادثه نتیجه‌سیده، توپلم شکلده ۱۱ کیشی اولگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، مملکت نینگ قطار ولایت‌لریده یوز بیرگن ترافیکی حادثه‌لردن کوپینچه‌سی نینگ سببی، هیداوچیر نینگ احتیاط‌سیزلیگی، تیز هیده‌شی و سرکلر نینگ بوزوق‌لیگی دییلگن.
