هرات ولایتی یشاوچیلریدن بیرقطاری سونگی کون‌لرده دایمی آغریق‌لردن قوتیلیش اوچون حجامت قیلیش گه یوز کیلتیرگنلر.
هرات شهری ده آغریق‌لرینی حجامت بیلن دواله‌یدیگنلردن بیرقطاری نینگ ایتیشلریچه، قانی افلاس، قان باسیمی یوقاری، سیاتیک، بیل و ایاغ آغریققه چلینگنلر، حجامت قیلیش اوچون کوپراق مراجعت قیله‌دیلر.
حجامت قیلووچیلردن حکیم‌محمد روحانی نینگ سلام‌وطندار گه ایتیشیچه، اوتمیش گه نسبتن سونگی کون‌لرده مشتری‌لری سانی کوپه‌یگن.
بیزلرنینگ فیسبوک صحیفه‌میزگه باش اورینگ!
روحانی جنابلری نینگ کوپه‌یتیریشیچه: «سنتی اسلامی طب زمانه‌وی لشماقده و یشاوچیلر شیمیایی و کوپ خرجتلی دارولرنی استعمال قیلیش دن زیریکیب و سنتی طب گه مراجعت قیلماقده‌لر، حجامت سنتی اسلامی طب اصلی ستون‌لریدن سنله‌دی.»
حجامت قیلووچیلردن باشقه بیری سدیس نیکفرجام، حجامت نی بعضی کسل‌لیک‌لر اوچون فایده‌لی دیب ایتیشیچه، فایده قیلمه‌یدیگن کسل‌لیک تیکشیریلیشی کیره‌ک.
نیکفرجام جنابلری گه کوره، جگر و قان چربی‌سی بولگنلر نینگ جگر و قان چربی‌سی کمه‌لیب و شکر دیابت‌لری دوالنه‌دی، بیراق بیل‌آغریق، عصبی آغریق آش‌قزان (معده) یا که یریم باش آغریق بولگنلر نه فقط قان آلیش بیلن دوالنمه‌یدیلر بلکه آغریق‌لری نیچه برابر بولیشی ممکن.
عین‌حالده، ایاغ آغریق، بیل‌آغریق و باشقه جسمی آغریق‌لرینی دوالش اوچون هرات نینگ تورلی منطقه‌لریدن حجامت مرکزلری گه مراجعت قیله‌دیلر.
هرات یشاوچیلریدن عبدالودود نینگ ایتیشیچه، بیل‌آغریق اوچون ایکی مرته حجامت قیلیب و کوپ قانینی چیقرگن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اوتگن نیچه ییل ده حجامت قیلیش نی اویلمه‌ی و شفاکارلر بویرگن دارولرنی استعمال قیلر ایدیم. بیراق احوالیم آغیرلشدی و کیین ایسه حجامت قیلدیم.»
هرات ساغلیق‌نی سقلش ریاستی مسئوللری نینگ ایتیشلریچه، حجامت قیلیش قانونی نقطه‌ی نظر دن ساغلیک سکتوری گه شامل قیلینمه‌گن، بیراق حجامت مرکزلری ثبت بولمسلیگی باعث بوتوغریده اونچه‌لیک دقت قیلینمه‌گن.
هرات ساغلیق‌نی سقلش ریاستی اورین باسری محمدآصف کبیر گه کوره، طبی قاعده‌لر رعایت ایتیلمسلیگی باعث فایده قیلیشی اورنیده باشقه یوقوملی کسل‌لیک‌لر گه چلنتیریشی ممکن: «حجامت قیلیش مرکزلریده طبی قاعده‌لر نظر گه آلینمسلیگی باعث بوتوغریده ساغلیق‌نی سقلش ریاستی تامانیدن اونچه دقت قیلینمه‌گن.
عین‌حالده، ساغلیق‌نی سقلش متخصص‌لری نینگ ایشانچی گه کوره، کوپ سانده یشاوچیلر طبی مسئله‌لردن آگاهی‌سیزلیک‌لری باعث اوزلرینی دوالش اوچون هر تامانگه باش اوره‌دیلر. بونگه علاوه، کمبغل‌لیک و اقتصادی قیینچیلیک، یشاوچیلر نینگ محلی و اوز باشیمچه‌لیک دوالشگه یوز کیلتیرگن عامللریدن سنله‌دی.
