هلمند محلی مسئوللری نینگ ایتیشلریچه، اوتگن ییل گه قره‌گنده بو ییل، ایکینچیلیک ییرلردن کوپینچه‌سی گه ریحان ایکیلیب و اوشبو اوسیم‌لیک نینگ کوپراق حاصل بیریشی کوتیلماقده.
هلمند ایکینچیلیک، سووغاریش و چاروه‌چیلیک ریاستی نینگ ایکینچیلیک ایشلری بوییچه آمری شفیق‌الله نینگ سلاموطندار گه ایتیشیچه، اوتگن ییل بیر مینگ ۱۹۹ هکتار ییر گه ریحان ایکیلیب و ایکی مینگ ۱۵۸ تُن حاصل آلینگن؛ لیکن جاری ییل‌ده بیر مینگ ۴۳۲ هکتار ییر گه ریحان ایکیلگن که اوتگن ییل گه قره‌گنده ۲۳۳ هکتار ییر نینگ کوپلیگی نی کورسته‌دی.
بیزلرنینگ فیسبوک صحیفه‌میزگه باش اورینگ!
ایکینچیلیک ییرلریگه ریحان ایککن هلمند ولایتی نادعلی تومنی یشاوچیلریدن قطاری نینگ ایتیشلریچه، اوتگن ییل مذکور اوسیم‌لیک‌دن کوپینچه فایده قولگه کیلتیرگنلری سبب، بو ییل هم اونینگ ایکیش گه یوز کیلتیرگنلر.
هلمند ولایتی نادعلی تومنی یشاوچیلریدن محمد آغا و محمد نسیم نینگ ایتیشلریچه، جاری ییل هم اوتگن ییل کبی ریحان ایکینی‌دن یخشی‌راق حاصل قولگه کیلتیریش نی کوتماقده‌لر.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مذکور ایکینچیلر هلمند ایکینچیلیک ریاستی‌دن، ایکینچیلر گه تخنیکی اوسکونه‌لر ترقه‌تیلیشی و تعلیمی برنامه‌لر نینگ یولگه قوییلیشینی ایسته‌گنلر.
هلمند ولایتی اسلام امیرلیگی نینگ قدرت گه ایریشگنی‌دن آلدین، افغانستان ده مخدره ماده نی ایکه‌دیگن و ایشلب چیقره‌دیگن مرکزلردن بیری ایدی که، حاضر ایسه مذکور ولایت‌ده ایکینچیلردن کوپ قطاری بدیل ایکین گه یوز کیلتیرگنلر.
