غزنی ده قاچقینلر ریاستی برابریدهگی قاچقینلرنینگ اوزون صفی، سونگی هفتهلر و آیلرده ایران دن قیتگن عایلهلرنینگ آوارهلیک و قیینچیلیکلرینی بیان قیلهدی. اونلب عایله، آوارهلیک و باشپنهسیزلیکلرینی قاغاز یوزیگه یازیلیب و محلی رسمیلرگه تاپشیریلیشی اوچون قویاش آستیده توختهب و عریضه یازووچیلر برابریده نوبتگه تیریلگنلر که بو رقم، اسلام امیرلیگی و یاردم بیرووچی نهادلر قیینچیلیکلری حلی اوچون بیران چاره-تدبیر کورسه.
غزنی ده قیتگنلرنینگ مهم قیینچیلیکلریدن بیری، مناسب کرایه بیلن بیر اوی اجاره آلیش دیر. یقینده عایلهسی بیلن ایران دن غزنی گه کیلگن ذکریانینگ ایتیشیچه، مملکت گه قیتگنیدن بیری یقینداشلرینینگ اوییده حیات کیچیریب و حاضرگچه اوزی اوچون مناسب قیمت بیلن اوی اجاره قیله آلمهگن. «حاضر ایناغهمنینگ اوییده حیات کیچیرهمن. اوی اختریب یوریگنمین؛ اوی تاپیش کوپ قیین بولگن و تاپیلسه هم قیمتی یوقاری دیر.»
بیزلرنینگ فیسبوک صحیفهمیزگه باش اورینگ!
ایران دن قیتگنلردن باشقه بیری محمدنبی هم شو رقم قیینچیلیکلرنی بیان قیلهدی. شونینگدیک او، حاضر یقینداشلریدن بیرینینگ اوییده حیات کیچیریب و کون بویی کرایی اوی تاپیش اوچون کوچهمه-کوچه سرگردان بولیب و حاضرگچه یخشیراق قیمت بیلن اوی تاپه آلمهگن. «حاضر یقینداشلریمیزدن بیرینینگ اوییده حیات کیچیرهمیز؛ باشپنهمیز یوق و کوپینچه قیینچیلیک بیلن روپهرهمیز. بیر هفتهدن بیری هر کونی اوی اخترهمیز، کرایی اوی یوق و بولسه هم قیمتینی کوپ دیهدیلر.»
باشقه بیر تاماندن، مملکت گه قیتگنلرنینگ پولی ایران دهگی اوی ایگهلری بوینیگه قالگنی سبب، اولر بوش قول بیلن اولکه گه قیتیب و بو ییرده مالی قیینچیلیک بیلن روپهره بولگنلر. بو توغریده محمد نبینینگ ایتیشیچه: «ایران ده ایدیک و او ییرده برچه سرمایهمیز قالدی. اوی اوچون بیرگنیمیز پولنی قیته بیرمهدیلر. یالغیز بیر یول کرایه بیلن کیلدیک.»
بیر آی آلدین بیش کیشیلیک عایلهسی بیلن ایران دن قیتگن ۶۰ یاشر عبدالحکیمنینگ ایتیشیچه: «اوی ایگهسیگه پولیمیزنی بیر دیدم، او پول یوق و اوزلرینگیز اورنیده بیران کیشینینگ تاپینگلر که بو اوینی آلسه دیدی. پولیمیز قریب ۱۲۰ مینگ افغانی بولهر ایدی؛ او پولنی بیرمهدی. کلانتریگه باریشگه مجبور بولدیک و اولر هم بیزلرگه تیگیشلی ایمس دیدی.»
غزنی ده اوی کرایهسی یوقاری کیتیشی، مملکت گه قیتگن قاچقینلرنینگ جدی قیینچیلیکلریگه اوزگرگن.
ینگیلیکده ایران دن غزنیگه عایلهسی بیلن قیتگن یدالله، اوی کرایهسی یوقاریلیگیدن شکایت قیلیب و ایتیشیچه: «افغانستان اهالیسی، مهاجر بولمهگنی پیت، اوینی آز قیمت بیلن کرایه گه بیرهر ایدیلر؛ قاچقینلر اهالی و دولت گه نیاز تاپگنی بیرحالده، اهالی یاردم بیریش اورنیده اوی کرایهسی نی کوپهیتیرماقده.»
غزنی قاچقینلر ریاستینینگ معلوماتی اساسیده، جاری میلادی ییل باش اوچ آییده، بیش مینگ ۵۰۰ کیشی ایران و پاکستان دن بو ولایتگه قیتگن که بو رقم، کون اوتیشی بیلن کوپهیماقده.
بیزلرنینگ «ایکس» ترماغی ده هم تعقیب قیلینگ!
غزنی قاچقینلر ریاستینینگ قیته قوشیش عمومی مدیری درمحمد کاکرنینگ ایتیشیچه، قیتگنلر قیینچیلیگی حلی اوچون کیلهجکده اولرگه ییر ترقهتیلیشی ممکن.
لیکن جناب کاکر، یشاوچیلردن حاضرگی وضعیتده مملکت گه قیتگنلر بیلن همکارلیک قیلیب و اوی کرایهلرینینگ کوپهیتیرمسلیکلرینی ایستهگن.
سونگی هفتهلرده ایران دن افغانستانلیک قاچقینلرنینگ قیتیشی کوپهیب و بیرلشگن ملتلر تشکیلاتی قاچقینلر ایشلری بوییچه عالی کمیسارلیگینینگ معلوماتی اساسیده، کونده ۵۰ مینگدن آرتیق کیشی افغانستان گه قیتهدی که بو وضعیت، جمعیت اوچون اوشبو یشاوچیلرنینگ کوتیب آلیشنی قیینلشتیرگن.
