بدخشان ولایتی ارگو تومنی یشاوچیلریدن قطارینینگ ایتیشلریچه، خصوصی ساغلیق مرکزلرده طبی خذمتلرنینگ مصرفی یوقاریلیگی سبب، عایلهلر بو مرکزلرگه باره آلمهیدیلر.
بدخشان ولایتی ارگو تومنی یشاوچیسی احمد نویدنینگ ایتیشیچه، مذکور تومندهگی دولتی کسلخانه یشاوچیلرگه ضرور و صفتلی خذمتلرنی کورسته آلمهیدی و انه شوو سبب، کسللر خصوصی ساغلیق مرکزلرگه باریشگه مجبور بولهدی؛ بیراق بو مرکزلر سونگی آیلرده خذمت کورسهتیش مصرفینی کوپهیتیرگن که کسللردن کوپ قطاری اونینگ توللش امکانیتیگه ایگه ایمس. «شخصی کلینیکلرگه هم بارهمیز، اولر اوز باشیمچهلیک شکلده قیمت قویگنلر؛ یشاوچیلر شخصی کسلخانه گه باره آلمهیدی؛ چونکه فیسی جودهیم یوقاری دیر.»
بیزلرنینگ فیسبوک صحیفهمیزگه باش اورینگ!
احمد نویدنینگ ایتیشیچه، خصوصی ساغلیق مرکلرده کسللر قیینچیلیگینی حل قیلیش جریانی هم، کسللرگه دارو ساتیش کبی دیر، نه اولرنینگ دوالنیشی.
بدخشان ولایتی ارگو تومنی یشاوچیلریدن باشقه بیری عبدالجمیلنینگ ایتیشیچه، دوالنیش خذمتلردن فایدهلنیش خرهجتی، شفاکار فیسیدن قاننی معاینه قیلیش و دارو ساتیب آلیشگچه بولگن خرهجت، اوتگن آیلرگه نسبت سیزیلرلی درجهده کوپهیگن. اونینگ کوپهیتیشیچه، عایلهلردن کوپ قطاری مالی قیینچیلیک سبب بو خرهجتلرنی تامین قیله آلمهیدیلر. ارگو تومنینینگ اوشبو یشاوچیسیگه کوره: «تومنده دولتی کلینیککه بارگنیمیزده، فقط ریزش و باش آغریق اوچون دارو بیرهدیلر؛ جدی کسللیکلر بولگنیده، او ییرده دواله آلمهیدیلر.»
ارگو تومنیدهگی دولتی ساغلیق مرکزیده کورسهتیلهدیگن دوالنیش خذمتلر دایرهسی آزلیگی، یشاوچیلرگه یالغیز خصوصی کسلخانهلرگه مراجعت قیلیشدن باشقه یولنی قویمهیدی؛ لیکن عبدالجمیلنینگ ایتیشیچه، بو مرکزلرده دوالنیش خذمتلردن فایدهلنیش خرهجتینینگ یوقاریلیگی، ارگو تومنی یشاوچیلرینی قیینچیلیک بیلن روپهره قیلگن. «او ییرده هم قیمتلیک سبب، کسلیمیز اولهدی و شونینگدیک باره آلمهیمیز هم؛ بیر تکتده ۳۰۰، ایکی قلم دارو نی هم بیر مینگدن ۱۵۰۰ افغانیگچه حسابلهیدی.»
شونینگدیک بدخشان ولایتی ارگو تومنی یشاوچیلریدن باشقه بیری وحیدنینگ ایتیشیچه، خصوصی ساغلیق مرکزلرده دوالنیش خذمتلر خرهجتی یوقاریلیگی، یشاوچیلرنی قیینچیلیک بیلن روپهره قیلگن. «یوقاری فیس و شفاکارلر آرقهلی بیریلهدیگن کوپینچه خرهجتلی نسخهلردهگی دارولر حتا ۷-۸ مینگ افغانی بولهدی؛ بو اهالیگه چیدهب بولگن بیر نرسه ایمس، چونکه اهالی یامان اقتصادی وضعیتده قرار تاپگن.»
بدخشان ساغلیقنی سقلش ریاستی مطبوعات مسئولی محفوظالله سلطانی، ارگو تومنی یشاوچیلرینینگ شکایتیگه عکسالعمل بیلدیریب و سلاموطندار گه ایتیشیچه، بو ولایتدهگی ساغلیق مرکزلردن برچهسی، منظم شکلده تیکشیریلهدی و خذمت کورسهتیش خرهجتینی اوز باشیمچهلیک شکلده کوپهیتیرگن خصوصی مرکزلردن هر بیرینینگ فعالیتی، توختهتیلهدی.
بیزلرنینگ «ایکس» ترماغی ده هم تعقیب قیلینگ!
سلطانینینگ ایتیشیچه: «بیر متخصص فیسی ۲۰۰ افغانی تعیینلنگن. بیر شفاکارنینگ ۱۵۰ افغانی آلیشی کیرهک. پانسمان همده زرقیات بولیمیده، مراجعت قیلگن کیشینینگ ایستهگیگه قرهب پول آلینهدی، مثلا پیچکاری ۲۰ افغانیدن ۵۰ افغانیگه که بعضا کم و بعضا کوپ بولهدی.»
عایلهلردن کوپ قطاری، خصوصی ساغلیق مرکزلرده دوالنیش مصرفینینگ تامینلش امکانیتی گه ایگه بولمهی و انه شوو سبب، کسللیکلری پیتده کسللیکلرینی جدی آلمهی یا-ده آز امکانیت بیلن دولتی مرکزلرگه مراجعت قیلیشلری بیرحالده، ارگو تومنی یشاوچیلری بو مصرفلرنینگ یوقاریلیگیدن شکایت قیلگنلر.
