حزب‌الله لبنان بیر بیانیه ترقه‌تیب، اسرائیل گه کېنگ کولمده هجوم قیلگنینی معلوم قیلگن.
رویترز آژانسی گه کوره، حزب‌الله لبنان بوگون ایرته‌لب (۴-سنبله، یکشنبه) اسرائیل نینگ لبنان گه هوا هجوملری گه جواب، بو مملکت گه قرشی کېنگ کولمده هجوم اویوشتیرگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو آژانس نینگ معلوماتی اساسیده، حزب‌الله حاضرگه قدر ۳۲۰ کاتیوشا راکته نی اسرائیل تامان آتیب و بو مملکت نینگ ۱۱ حربی مرکزینی نشانگه آلگن.
حزب‌الله لبنان نینگ اسرائیل گه کېنگ کولملی هجومیدن کېین، اسرائیل اردوسی بو مملکت ده فوق‌العاده وضعیت اعلان قیلگن.
اسرائیل یېتکرمه‌لری نینگ معلوماتی اساسیده، اوشبو مملکت ده ۴۸ ساعت‌لیک فوق‌العاده وضعیت بوگون ایرته‌لب محلی وقت بیلن ساعت ۶:۰۰ ده باشلنگن.
بیزلرنینگ «ایکس» ترماغی ده هم تعقیب قیلینگ!
الجزیره بوندن آلدین، اسرائیل اردوسی لبنان جنوبی حدودلریده هوا آرقه‌لی هجوم اویوشتیرگنیدن خبر بیرگن اېدی.
اسرائیل نینگ شمالی حدودلریده گنبد آهنین هوا پدافندلری فعال بولیب و بو منطقه ده خطر آژیری چلینگنی اېتیله‌دی.
بو هجوملر نینگ احتمالی تلفاتی و زیان‌لری حقیده حاضرگچه معلومات بیریلمه‌گن.
