حزبالله، لبنان جنوبیده ایکی پهپاد بیلن اسرائیل حربی پایگاهسینینگ نشانگه آلگنینی معلوم قیلگن.
الجزیره خبری ترماغینینگ بوگون (۲۴-جوزا/۱۴-جون، شنبه)، گزارش بیریشیچه، حزبالله اسرائیل چیگره یقینی و لبنان جنوبیده جایلشگن حولا شهریده اسرائیل حربی پایگاهسینینگ نشانگه آلگنینی ادعا قیلگن.
حزباللهنینگ اعلام قیلیشیچه، مذکور هجوم بوگون ایرتهلب ایکیته پهپاددن فایدهلنیش بیلن عملگه آشیریلگن. مذکور گروه اوشبو هجوم طفیلی ییتیشگن احتمالی زیانلر میزانی حقیده هیچ بیر نرسه دیمهگن.
مذکور هجوم، سونگی آیلرده حزبالله نیچه مرته پهپاد و راکته بیلن اسرائیل پایگاهلریگه قرشی هجوملر اویوشتیرگنیدن خبر بیرگنی بیرحالده، عملگه آشیریلگن.
حزبالله و اسرائیل آرهسیده آتیش کیسین کیلیشووی بولگنی بیرحالده، بیراق ینه هم ایکی تامان آرهسیده توقنشوولرنینگ دوامی بار.
