هرات ایپک‌چیلر بیرلشمه‌سی ۲۵ ییل‌دن سونگ قیته ایجاد بولدی. هرات ایکینچی‌لیک، سووغاریش و چاروه‌چیلیک ریاست مسئوللری اوتگن کون (پنج‌شنبه، ۱۰-قوس)، یولگه قوییلگن بیر ییغین‌ده مذکور ولایت ایپک‌چیلر بیرلشمه‌سی نینگ قیته ایجاد بولگنی‌دن مقصد، افغانستان نینگ آق آلتینی یا-ده پله‌چیلیک صناعتی نینگ رواجلنیشی عنوان قیلگنلر.
مذکور ییغین گه شرکت قیلگن ایپک‌چیلردن قطاری، هرات محلی مسئوللری نینگ اقدامی‌دن خوش قرشی‌لب و مسئوللردن پله‌چیلیک صناعتی گه کوپراق توجه قیلیش‌لری نی ایسته‌یدیلر.
هرات ده ایپک‌چیلردن بیری جمعه‌خان، پله‌چیلیک صناعتی بولیمی‌ده ۴۰ ییل‌لیک تجربه گه ایگه دیر. اونینگ ایتیشیچه، حاضر ایسه اونینگ بیش قوطی ایپک قورتی بار و اوشبو صناعت گه توجه بولگنی صورتده، مذکور صناعت نینگ کوپراق رواجلنیشی ممکن.
بیزلرنینگ توییترده هم تعقیب قیلینگ!
جمعه‌خان اوشبو ولایت محلی مسئوللریدن، ییل‌ده کوپراق تولید‌لری بولیشی اوچون هرات ولایتی‌ده‌گی ایپک‌چیلر گه کوپراق قوطی بیریش‌لری نی ایسته‌یدی.
هرات ده ایپک‌چیلردن باشقه بیری عبدالغفور نینگ ایتیشیچه، مذکور ولایت‌ده ایپک‌چیلیک صناعتی نینگ ترقیاتی و ایجادی بیلن، هرات ده یوزلرچه کیشی گه ایش زمینه‌سی فراهم بولیشی ممکن.
هرات‌لیک ایپک‌چیلر نینگ ایتیش‌لریچه، اوتمیش‌ده ایپک قوطی‌لری نی بغلان ولایتی‌دن ساتیب-آلیب و پرورش بیره‌ر ایکن‌لر، بیراق حاضر ایسه قوطی‌لر چین مملکتی‌دن وارد بوله‌دی و دولت قورت‌لر نی جان‌لنتیریش، ایپک قورتی نی پرورشی و خام ماده‌لر نی پخته ماده‌لر گه تبدیل قیلیش خصوصیده، اساسی ایشلر نی هرات ایپک‌چیلری بیلن انجام بیریشی کیره‌ک.
شونده‌ی بیرحالده، هرات ایکینچی‌لیک، سووغارش و چاروه‌چیلیک ریاستی مسئوللری، ایپک‌چیلیک صناعتی نینگ پرورش شیوه‌سی نی مدرن‌قیلیش و اوشبو ولایت ایکینچیلری گه کوپراق قوطی ترقه‌تیلیشی اوچون نطق سوزله‌گن.
هرات ایکینچی‌لیک، سووغاریش و چاروه‌چیلیک ریاست رئیسی پیر‌محمد حلیمی نینگ ایتیشیچه، مذکور ولایت سوداگرلیک یانیده شونینگدیک ایکینچی بولیمی‌ده هم یخشی ترقیات گه ایگه دیر.
بیزلرنینگ فیسبوک صحیفه‌میزگه باش اورینگ!
جناب حلیمی، هرات ده غیر‌دولتی تشکیلات‌لردن مذکور ولایت ایکینچی‌لیک ریاستی و ایکینچی‌لر بیلن یقین هم‌کار‌لیک قیلیش‌لری نی ایسته‌گن.
هرات ده ایپک صناعتی ۶۰۰ ییل‌لیک تاریخ گه ایگه دیر و اوتمیش ییل‌لردن بیری هرات اهالی‌سی اوشبو صناعت گه یوز کیلتیرگنلر. ایپک‌چیلیک صناعتی پله‌چیلیک افغانستان نینگ آق آلتینی گه هم مشهور دیر که اوندن چپن، ادیال، دستمال و ایپک کییم‌لر اوچون قولنیله‌دی.
ایپک قورتی توت درخت‌لری نینگ برگی‌دن تغذیه بوله‌دی و کوکلم موسمی نینگ باشی اوشبو قورت‌لر نینگ پرورشی اوچون یخشی موسوم عنوان بولگن.