سرپل معلومات و مدنیت ریاستی مسئوللری‌نینگ ایتیشلریچه، هییت کونلریده ۱۵ مینگ‌دن آرتیق ایچکی سیاحتچی، اوشبو ولایت‌نینگ سیاحتی و کوریش‌گه سزاوار جایلری‌دن کوریب چیققنلر.
سرپل معلومات و مدنیت باشلیغی عبدالغفار حق‌نما‌نینگ ایتیشیچه، اوتگن هفته جریانیده بو ولایت‌نینگ سیاحتی و کوریش‌گه سزاوار جایلری، مملکت‌نینگ تورلی بولیم‌لری‌دن بارگن مینگ‌لرچه یشاوچی‌نینگ میزبانی ایکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، «ایگزک بولاغی، زنجک دره‌سی، سلطان ابراهیم دره‌سی، جرجرک شرشره‌سی، انگشت شاه دره‌سی، پاله دره‌سی، خواجه نهان بولاغی، امام‌زاده یحیا زیارتی و سرپل‌نینگ باشقه کوریش‌گه سزاوار و طبیعی منظره‌لری» کوپینچه سیاحتچی‌‌نینگ توجه‌سینی اوزی‌گه قره‌تگن.
سرپل معلومات و مدنیت باشلیغی‌نینگ اورغولشیچه، کوپینچه سیاحتچی‌‌نینگ حضوری، بو ولایت‌ده تینچ امنیت، دم آلیش اوچون مناسب فضا و طبیعی جاذبه‌لر‌نینگ بیان قیله‌دی. اونینگ کوپه‌یتیریشیچه، سرپل محلی اداره‌سی کوریب چیقه‌دیگنلر جریانی یخشی‌راق مدیریت بولیشی اوچون کیره‌کلی چاره-تدبیرلرنی قولگه آلگن ایکن.
بیزلرنینگ «ایکس» ترماغی ده هم تعقیب قیلینگ!
سرپل، افغانستان شمالی‌ده جایلشگن ولایت‌لردن بولیب، جغرافیایی موقعیتی، طبیعی منظره‌لر و تاریخی اثرلر اوچون ایچکی و تشقی سیاحتچیلر توجه‌سینی جلب قیلیش اوچون یوقاری امکانیت‌گه ایگه دیر.
