هییت بیرمی ییتیب کیلیشی بیلن، غزنی ولایتی یشاوچیلری هییت بیرمی اوچون تیارگرلیک آلیش خصوصیده بازارلر گه باریب، کییم-کیچک و قوروق میوه ساتیب آله‌دیلر.
بیراق مذکور یشاوچیلر آره‌سیده، هییت بیرمی اوچون تیارگرلیک آلالمه‌ی، بوش قول و بوش دسترخوان بیلن بو کون‌لرنی کوتیب آلگن کیشی‌لر هم بار.
غزنی شهری نینگ فرخی چوکی‌ده یاش ییگیت‌لردن بیری صدام، هییت بیرمی کون‌لریده یشاوچیلر نینگ قول‌لری خینه نقش‌لری بیلن رنگ-برنگ بولیشی اوچون خینه ساتیش بیلن شغللنگن.
اونینگ ایتیشیچه، هییت بیرمی ییتیب کیلیشی بیلن بیراق قوروق میوه و کییم-کیچک آلالمه‌گن و مناسبتی کون‌لر نینگ کوتیب آلالمسلیک، اونینگ ایکی برابر زیریکتیره‌دی. «پولی بولگن کیشی اوچون یخشی دیر، بیراق اقتصادی وضعیتی یخشی بولمه‌گن کیشی اوچون جوده‌یم قیین و اولر اوچون عذاب چیکماق دیر، چونکه پول بولمسه هییت بیرمی نینگ هم مزه‌سی یوق بوله‌دی و برچه‌سی رنج و قشاق‌لیک بیلن اوته‌دی.»
بیزلرنینگ فیسبوک صحیفه‌میزگه باش اورینگ!
غزنی ولایتی نینگ باشقه بیر چیککه‌سیده اولتیرگن نیازمند‌لردن باشقه بیری ممتاز نینگ ایتیشیچه، حاضرگچه هییت بیرمی اوچون هیچ نرسه آلالمه‌گن و انه شوو سبب، هییت بیرمی اونینگ اوچون هیچ بیر معناسی یوق.
ممتاز گه کوره: «عایله‌ده سکیز کیشی‌میز، نه کییم آلگن‌میز و نه هم میوه. هیچ بیر نرسه آلمه‌گنمیز. پول یوق، ایش یوق، برچه کیشی قیغولنیب اولتیرگن. بیرته‌سی کییم ایسته‌یدی و بیرته‌سی ایسه باشقه نرسه، آلیب بارمسنگ هم بولمه‌یدی. اقتصادی وضعیت هم جوده خراب.»
شونده‌ی بیرحالده، غزنی شهری‌ده‌گی ایشچی باله‌لردن قطاری نینگ ایتیشلریچه، عایله‌لری نینگ خره‌جتی نی تامین قیله‌دیلر و ینگی کییم-کیچک آلالمه‌گنلری سبب، اولر اوچون هییت بیرمی هم یوق دیر. اولر نینگ ایتیشلریچه، سرپرست حکومت یا-ده خیرلی انسان‌لر آرقه‌لی عایله نیازلری نینگ تامین‌لنیشی نی کوتیب تورگنلر.
غزنی ولایتی‌ده‌گی ایشچی باله‌لردن جاوید نینگ ایتیشیچه: «هلمند‌دن کیلگن مهاجرمین. اویی‌میز شهرکهنه ده. هییت بیرمی اوچون نرسه آلگنیمیز یوق. ایش یوق. دولت بیزلر گه یاردم بیریشی کیرهک. اون و یاغ بیرسین. بیران نرسه بیزلر بیلن همکارلیک قیلسین.»
شونینگدیک مذکور ولایت‌ده‌گی ایشچی باله‌لردن باشقه بیری سید‌آغا نینگ ایتیشیچه: «کییم آلگنیمیز یوق. کییم بولمسه هییت بیرمی هم یوق. بیران یاغ و اون کبی بیران نرسه یاردم قیلگنلری صورت‌ده خورسند بوله‌میز.»
غزنی شهر نینگ باشقه بیر چیککه‌سیده توپراق‌لی کییم بیلن قولی‌ده کراچی‌سی بولگن عیسا‌خان، ایش‌سیزلیک و قشاق‌لیک‌دن نالیب و ایتیشیچه، هییت بیرمی نشان‌لنیشی جمعیت‌ده اونینگ برابریده بولگن بیر قیین‌چیلیک کبی دیر. «ایش یوق، پول یوق. انه شوو سبب، هییت بیرمی نینگ هم معناسی یوق. هییت بیرمی اوچون اوی گه هر نرسه کیرهک بوله‌دی. کونده ۱۰۰ افغانی ایشلمه‌یمن. ۶۰ روپیه موتر کرایه‌سی نی بیره‌من. کیلگن یاردم‌لر نی بیزلر گه بیرمه‌یدلر.»
بیزلرنینگ «ایکس» ترماغی ده هم تعقیب قیلینگ!
لیکن نیازمند کیشی‌لر نینگ خوش قیلیش و اوشبو عایله‌لر نینگ هییت بیرمی دسترخوانی تولدیریش کیم نینگ مسئولیتی؟
بو توغریده بیلیم یورت اوقیتووچیسی و اجتماعی ایش بیلرمان‌لردن داریوش صمدی نینگ سلام‌وطندار گه ایتیشیچه: «هییت بیرمی کون‌لریده حکومتی مسئوللر، بویوک‌لر و خیرلی کیشی‌لر نینگ توجه قیلیشی کیرهک. نیازمندلر نی اونوتمه‌ی و برچه مسلمان‌لر آره‌سیده خوش‌لیک نی تقسیم قیلیش اوچون اولر گه یاردم بیریشی کیرهک که نیازمند کیشی‌لر نینگ دسترخوانی تولسین و شونینگدیک جمعیت‌ده وجدانی، اسلامی و انسانی بولگن مسئولیت هم ادا بولسین.»
شونده‌ی بیرحالده، غزنی حاکمی سوزلاوچیسی حافظ‌عمر غزنوی نینگ سلام‌وطندار گه ایتیشیچه، ۱۴۰۲-ییلده مینگ‌لرچه نیازمند عایله گه نقدی و ییگولیک ماده ترقه‌تیلگن و بو پروسه نینگ جاری ییلده هم دوام تاپیشی ممکن. «غزنی ولایتی‌ده ولایت مقامی، سکتوری اداره‌لر و خیریه موسسه‌لر بیلن، مینگ‌لرچه نیازمند کیشی و ییتیم باله‌لر گه نقدی و ییگولیک ماده یاردم بیریلگن. جاری ییل هم ان‌شاءالله ولایت مقامی تیارگرلیگی بیلن شفاف شکلده نیازمند کیشی‌لر گه یاردم بیریلیشی ممکن.»
عین حالده، قربان هییت بیرمی و رمضان هییت بیرمی مذهبی بیر بیرم بولیب و رمضان هییت بیرمی ایسه دنیا بویلب برچه مسلمان بیر آی روزه‌‌دارلیک و عبادت‌دن کیین نشان‌له‌یدی؛ بیراق مذکور خوش کون‌لردن نشانلش اوزی گه لایق صرف-خره‌جتی هم بار که جمعیت‌ده بولگن ایش‌سیزلیککه قره‌گنده، عایله‌لردن قطاری بو صرف-خره‌جتلر نی تامین‌لش گه کوچی ییتیشمه‌یدی.