امریکا ایچکی امنیت وزیری کریستی نوم، بوگون (۲-جوزا، جمعه)، هاروارد بیلیم یورتینینگ خارجی طلبهلرنی قبول قیلیش دستوری بوییچه جوازینینگ بیکار قیلینیشینی بویروغ بیرگن.
بو بویروغدن کیین، هاروارد خارجی طلبهلرنی ثبت نام قیله آلمهی و شونینگدیک حاضر بیلیم یورتده تحصیل قیلهدیگن خارجی طلبهلرنینگ باشقه جایگه انتقال تاپیشی یا-ده قانونی وضعیتینی قولدن بیریشی کیرهک.
بیزلرنینگ «ایکس» ترماغی ده هم تعقیب قیلینگ!
امریکا ایچکی امنیت وزیرلیگی اوز وبسایتیده یازیشیچه، هاروارد بیلیم یورتی چیننینگ کمونیست حزبی بیلن همکارلیک، زورهوانلیکنی ترغیب قیلیش، یهودلرگه قرشی نفرت و ترورچیلرنی قوللب-قوتلاوچی یاندهشوولر اوچون طلبهلر تامانیدن بیلیم یورت حدودیده عملگه آشیریلگن حرکتلر سبب، مسئول دیب حسابلنهدی.
مذکور وزیرلیکنینگ کوپهیتیریشیچه، هاروارد رهبرلیگی امریکاگه قرشی و تروریزم طرفداری بولگن ترتیبسیزلیک اشتراکچیلریگه یهودی طلبهلر همده باشقه شخصتلرگه نسبت تهدید، زورهوانلیک و جسمی هجوملرنی قیلیشگه یول قویگن حالده، بوندن آلدین حرمتگه سزوار بولگن تعلیم محیطینی خوفلی بیلیم یورت محیطیگه ایلنتیرگن.
بیزلرنینگ فیسبوک صحیفهمیزگه باش اورینگ!
شونینگدیک امریکا ایچکی امنیت وزیرلیگینینگ ایتیشیچه: «ترتیبسیزلیککه سبب بولهدیگن طلبهلردن کوپ قطاری خارجی طلبهلر دیر. هاروارد رهبرلیگی چیننینگ کمونیست حزبی بیلن هماهنگلیک فعالیتلریگه مشغول بولدی.»
۲۰۲۵-ییل ۱۶-اپریلده، نوام هاروارددن بیلیم یورت حدودیده خارجی طلبهلرنینگ ناتوغری یاندهشووی و جرمی حقیده معلومات بیریشینی ایستهگن ایدی که عکسینچه حالده، خارجی طلبهلرنی قبول قیلیش برنامهسینی یکونلنتیرهدی.